2.Uea 4:35 - Te B'aib'ara

³⁵ E teirake Eritai, ao e ririaki i nanon te ru arei, ao i mwiina e a manga oki ni manga ei nako aon te ataei ni m'aane arei. E m'atie itiua te tai te ataei ni m'aane arei, ao e kaurea matana.

2.Uea 4:35 ပူးပေါင်းရင်းမြစ်များ

1.Uea 17:21

Ao e b'aoua Eria i aon te ataeinim'aane arei tenua te tai ngke e tabe n tataro ni kaangai, “Te UEA ae te Atua. Ko na kaoka maiun te ataeinim'aane aei.”

1.Uea 17:22

Ao e kaekaa ana tataro Eria te UEA, ao e a reke iken te ataeinim'aane arei.

1.Uea 18:43

ao e taku nakon ana tia m'akuri, “Naako taraa marawa.” Ao e nako te tia m'akuri arei. Ao ngke e oki ao e taku, “I a tia n tara marawa ma akea te b'ai ae I nooria.” Ao e a manga tuangnga riki Eria b'a e na noora marawa itiua te tai.

2.Uea 13:21

N te tai teuana ngke a tabe n tauni aia mate Iteraera, ao a nooria te koraki n aomata aika kaain Moaaba. A kawaekoaia Iteraera akekei n tewenakoa rab'atan aia mate nako nanon ruanimaten Eritai ao a biri nako. Ao ni bon te tai naba are e bo iai rab'atan te m'aane arei ma riin Eritai, ao e a maiu naba te aomata arei, ao e teirake.

2.Uea 4:36

E wetea Keati Eritai ao e taku nako ina, Kanakomaia tinan te ataei ni m'aane. Ao e karaoa arei Keati, ao ngke e a roko neierei i matan te mataroa ao e taku Eritai nako ina, “Ko a konaa n anaa natim.”

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

2.Uea 8:5

Ngke e tabe Eritai ni karakina are kamaiuan te teei are natin te aine temanna, ao e roko neirei ma natina te m'aane. Ao e taku Keati, “Te uea ae ko karineaki, ao bon aei te ataei ni maanee arei, ao aei naba tinana.”

Ruka 8:55

Ao e a manga uti, ao e tei rake naba ngkekei; ao E tua Iesu b'a e na anganaki neierei te am'arake b'a e na kanna.

M'akuri 9:40

E kabaneia ni kaotinakoia Betero, ao e katorobubua n tataro; e rairaki ngkanne ni kaitaraa rab'atan Nei Toreka, ao e kaangai, “Nei Tabita, teirake!” E kaure matana Nei Toreka; ao ngke e nora Betero, ao e tekateka.