2.Uea 4:25 - Te B'aib'ara

²⁵ Ao e kawaekoa ni m'ananga nakon te Maunga are Karemera b'a e na maroroo ma Eritai. Ao ngke e nooria Eritai b'a e a roko ao e taku, “Keati! nooria, kai ainen Tunem!

2.Uea 4:25 ပူးပေါင်းရင်းမြစ်များ

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:42

Ao e nako Aaba, ma e aki nako Eria b'a e a manga oki n tam'arakea taubukin te Maunga are Karemera. Ao ngke e roko i taberana, ao e bobaraaki ni kabo matana ma te tano

2.Uea 1:9

Ma ngaia are, e kawaekoa ni kanakoa te aobitia n te taanga ni buaka ao nimangaun tautia b'a a na kawara Eria. E karaua n tekateka Eria i aon taubukin te maunga n te tai anne. Ao a tam'arake aobitia akekei nako ina ao a taku, ana Aomata te Atua. E tua te uea b'a Ko na ruo ni kawaria ni maroroo ma ngaia.

2.Uea 2:25

E tam'arakea te Maunga are Karemera, ao i mwiina e okira Taamaria.

2.Uea 4:24

Ao e taku neierei, “E bon aoria.” E tokara ana aati, ao e taku nakon te tia m'akuri, “Ti a nako. Ao tai kakaraurau, ma ti ngkana I tuangko.”

2.Uea 4:26

Biiri butim'aia. Titirakinna b'a e uara ma ana utu.” Ao e taku neierei nakon Keati, “Ko rab'a, ti bane ni marurung.”

2.Uea 4:27

Ma ngke e a tib'a roko i taubukin te maunga, ao e kawara Eritai ao e taua waena. Ao e kawaria Keati b'a e na kanakoa ma e kaangai Eritai, “Tai kuaia. Ko aki noora rawawatan nanora? Ma e aki roko n te tuangai te UEA bukin te b'ai ae e na riki aei.”

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Uea 8:4

Bon i nanon te tai naba arei, ao e a titirakinaki Keati are ana tia m'akuri Eritai iroun te uea i bukin b'aai aika a kamimii ake e a tia ni karaoi Keati.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.