2.Uea 4:17 - Te B'aib'ara

¹⁷ Ao e bikoukou neierei, ao n te ririki are i mwiina ao e bungiia natina te m'aane n ai aron te tai are e taetae iai Eritai nako ina.

2.Uea 4:17 ပူးပေါင်းရင်းမြစ်များ

Karikani B'aai 21:1

E kakab'aiaa Nei Taara te UEA n aron are E a tia n berita iai,

2.Uea 4:16

Ao e taku Eritai nako ina, N te tai naba ae ai aron aei n te ririki ae e na roko ao ko na b'ab'akoa ae bon oin natim te m'aane i m'anokani baim. Ao e taku neierei, I butiiko b'a ko na aki keweai b'a ana Aomata te Atua ngkoe.

2.Uea 4:18

Ao n te bong teuana ngke e uarereke te ataei ni maanee arei, ao e a ira tamana nakon te tawaana, n te tabo ike a taia iai uan te uita taani m'akuri.

Taian Areru 113:9

E kakukureia te aine ae kanoabo man anganna ana kariki ni karikiia natina. Takaruaea kamoamoaan te UEA!

Ruka 1:36

Ao noria, e a tia am koraki are Nei Eritabeta ni bikoukoua te nati te mm'aane ngkai e a boni kara; ao ai ana kaonoua n nam'akaina aei ni bikoukou neiere atoatongaki b'a e kanoabo.

Ebera 11:11

I bukin ana onimaki Nei Tara, ao e reke i rouna te kona ni kariki, e boni ngae ngke e a rangi ni kara. E taku b'a E kakaonimaki Teuare anganna te taeka n akoi;