2.Uea 3:20 - Te B'aib'ara

²⁰ Ao n te ingabong are i mwiina, ngke e tabe ni karaoaki te angakarea, ao e rina n roko te ran ae e raanga kaanga mai Etom, ao e ieka te aba arei iai.

2.Uea 3:20 ပူးပေါင်းရင်းမြစ်များ

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

2.Uea 3:21

Ao n te tai naba arei, ao a ongo kaain Moaaba te rongorongo are a nang roko uea ake teniman ni buakaniia. A tia ni botiia aia m'aane ake taani buaka ni moa mai rouia ake a uarereke ni karokoia ake a ikawai, ao e a tei te taanga ni buaka aei i aon tian abaia n tauraoi nakon te buaka.

Taian Areru 107:35

E oniki rereua b'a neei, ao te aba ae m'auteretere b'a koburake n ran.

Taian Areru 78:20

E koaua b'a E orea te b'a, ao e raanga nako te ran ae korakora b'arona; Ma E kona naba ni karekea te am'arake i bukira? E kona ni karekea te iriko-maiu nakoia ana botannaomata?”

Taniera 9:21

Ngke I tabe n tataro, ao e kibarikaaki Kabiriera are I nooria ngkoa n te kaotioti are mai m'aiina, n roko nakon te tabo are I mena iai. E a boo tain te angakarea arei n te tairiki.