2.Uea 25:7 - Te B'aib'ara

⁷ A tiringaki natin Tetekia bon i matana. A autaki kanoani matana ni karebenakoaki, ao e kabaeaki n taurekereke ma ni uaakinaki nako B'aburon.

2.Uea 25:7 ပူးပေါင်းရင်းမြစ်များ

Karikani B'aai 21:16

ao e a tekateka ngaia tao e kaaniia tebubua te miita raroana ma te ataei. Ao e taku i nanona, “I aki kona n taratara natiu ngkana e mate.” Ao e a tekateka n tang ikekei.

Karikani B'aai 44:34

N na kanga n okira tamau ngkana e aki irai te ataei ni mm'aane? I a bon aki kona moan te kangaanga are e nang roko nakon tamau.”

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

2.Rongorongo 36:6

I nanon ana tai n tautaeka Ieoiakim, ao e buakana Iuta uean B'aburon are Nebukaneta. E katika Ieoiakim ao e kabaea n taian tiein, ao e uotia nakon ana kaawa n tautaeka are ae e buubura are B'aburon.

Taian Areru 149:8

A na kabaeia aia uea n taurekereke, ao aia mataniwi ni b'ai ni kabaebae aika biiti;

Itaia 22:3

A biri nako ami taani kairiiri, ma a na tauaki e ngae ngkana e a toki te buaka. E aoria ngkana tao ai raroara ae a tia ni biri nako iai, a na bon kuneaki naba ma n tauaki.

Ieremia 21:7

Ao n te kabanea n tai, N na kariaia Nebukaneta ma ana taanga ni buaka b'a a na buaka n niniia nako i Ierutarem ma ni kataenikaiia ni kabane taian nikira ni maiu iai, n reitaki ma ngkoe ao am mataniwi nako. Ma e na bon aki konaa n nanoanga Nebukaneta ke n akoa naba temanna—ane e na tiringko! Bon aei au taeka Ngai ae te UEA.

Ieremia 22:30

Kamaunaa araia natin nako Ieoiakin man te utu n uea. E a aki tau, ao akea naba temanna ae e na manga uea. Bon aio au taeka Ngai te UEA.

Ieremia 34:3

Ao ko na anaaki b'a te bure ma ni uotaki nakon Nebukaneta, ao e na itaramata ma ngkoe n taetaenikawai. Ao i mwiina, ko na uotaki nako B'aburon.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 38:23

A na anaia buum ma natim kaain B'aburon b'a taenikai, ao ko na anaaki nakon uean B'aburon b'a te taenikai, ao e na kabuokaki ni kab'akaaki Ierutarem.”

B'aeb'aeti 2:9

A na m'akoroua ma n inako atiibun mataroana n te tano, E na otouai kaai ake b'ain kainan te mataroa. A uotaki nako ngkai b'a taenikai uea ma aomata ake a kakannato. Akea te reirei n te tua, ao akea naba te kaotioti mai iroun te UEA nakoia Ana burabeti.

Etekiera 12:11

I a tia ni karaoi baikai ni kaotia nakoia te b'ai ae e riki nakoia ngkana a uotaki nako b'a taenikai.

Etekiera 7:27

Ao a na bon bua naba aia kaantaninga ami uea ma ami mataniwi nako ao a tang ni korakai. Ane a na ruru baimi i bukin korakoran te maaku. N na katuaaingkami i bukin ami bure ao N na bon karaoa naba nakoimi aron are I a tia ni karaoia nakoia tabem'aang. Ao ane kam na ataia iai b'a bon te UEA Ngai.

Te Tua-Kaua 28:34

A na bon rangi ni kakamaaku baika kam noori n te aro are kam na riki ni baba iai,

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Tani Motiki-taeka 16:21

Ao a taua Tamton kaain Biritia, ao a auta matana ni karebenakoi. A uotia nakon te karabuuti i Kaata ao a kabaea n taian taurekereke. Ao i mwiina, a kam'akuria b'a e na kaminominoa te atiibu n ib'araua.