2.Uea 25:4 - Te B'aib'ara

⁴ ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Uea 25:4 ပူးပေါင်းရင်းမြစ်များ

2.Uea 25:5

ma a kauiaaki irouia tautian B'aburon i rarikin Ieriko. A katika Tetekia, ma a uamaaenako ni biri nako ana tautia ni kawai aika a kakaokoro.

2.Rongorongo 32:5

Ao e karekeia naba taani m'akuri Etekia ake a na bonota m'akoron oon te kaawa are e buubura arei ake a uruaki. Ao i mwiina, a karaoi taian taua n totoko ao oon tinaniku ake a na buoka ni katana are e kaman mena ikekei. E kakorakoraaki naba

Neemia 3:15

E tautaekana m'akoron te aba are Mitib'a Tiarun are natin Koraote te m'aane, ao boni ngaia are e a manga karaoa te Mataroa are Koburake n Ran. E rabuna aon te kawai n rin, ao e katinetinei taiani mataroa ao e kanim taian b'auti aika a matoatoa ao taian tatanga aika taiani kai b'a rokana. E bon manga karaoi naba taian oo n te Nei are Tiroa. E mena te m'akoro aei i mwiin ana nnenaroka te uea ao e waaki nako ni karokoa te kawai n ruorikaaki nakon ana Kaawa Tawita.

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 22:3

A biri nako ami taani kairiiri, ma a na tauaki e ngae ngkana e a toki te buaka. E aoria ngkana tao ai raroara ae a tia ni biri nako iai, a na bon kuneaki naba ma n tauaki.

Ieremia 32:4

E na tauaki te uea are Tetekia ao e na uotaki nakon te Uea are Nebukaneta, are e na i taramata n taetae ma ngaia.

Ieremia 34:3

Ao ko na anaaki b'a te bure ma ni uotaki nakon Nebukaneta, ao e na itaramata ma ngkoe n taetaenikawai. Ao i mwiina, ko na uotaki nako B'aburon.

Ieremia 38:18

Ma ngkana ko aki taenikai, ao N na karokoa ana taanga ni buaka B'aburon b'a e na taua Ierutarem ma ni kabuokia ni kab'aka, ao ngkoe ko na uotaki nako b'a te taenikai.”

Ieremia 4:29

A takaaruaea aia keeke ni buaka aia taan toka i aoia aoti ao aia taani katebe kairiribai. A biri nako aomata n rawei maiuia ma ni kataia ni kakaea kamanoaia i buakon taian aroka ao taiani b'aa. Bon akea kaain kaawa ni kabane.

Ieremia 44:30

N na anga Uean Aikubita are Obera nako ia akana a tangiria n tiringnga, n arou ngke I anga Tetekia nakon Nebukaneta, are e tangiria naba n tiringnga.

Ieremia 5:10

N na tuangiia aia kairiribai ni kaangai, “Naako riin n au nne n aroka ni kureebe. Kam na aki urui taiani kureebe, ma kam na ti koroi ni kanakoi taiani m'aanga, i bukina b'a bon aomata ngaiia aika tiaki au b'ai.”

B'aeb'aeti 1:3

A riki aomatan Iuta b'a tooro aika akea aroia, aika a uotaki nako mani mwengaia. A maeka n te aba ae a iruwa iai, ae akea abaia ike a na inaomata n ununiki iai. E katobibiaki irouia ana kairiribai, ao e aki kona n reke birinakoia.

B'aeb'aeti 1:6

A riki tamaroan Ierutarem b'a b'ain bong aika a b'akanako. Kaanga ai aroia riia aika a mamara ana taan kairiiri, are ai bon akea korakorana b'a mwiin kaeana irouia taan kaeman.

Etekiera 12:12

E na tabeki ana baaeki nako aon angana te tia kairiiri i Ierutarem ngkana e a bung taai ao e na otinako man te b'angab'anga are e karaoaki irouia tabeman n oon ana auti. E na karabaa matana, b'a e aonga n aki noora te aba are e a kitanna.

Etekiera 12:14

A na uamaae nako ana mataniwi ao ana taanga ni buaka nakon taabo nako, ma e na rimwiia te UEA ma n tiringiia.

Etekiera 12:4

Ngkana ko tia ni karaoa aei, ko na oki rikaaki nakon am auti. Ao rimwi riki n te tairiki anne ko na kiitana am auti kaanga ai aron ae ko nang nakon te kataenikaiaki.

Etekiera 33:21

Tebwi ma uoua te ririki i mwiin anaakin te Uea are Ieoiakin ma nikiraia ara koraki b'a taenikai nako B'aburon, ao e roko irou temanna ae e biri nako mai Ierutarem n nimaua bongin te katebwina n nam'akaina. E kaongoai b'a e a tia ni b'aka te kaawa.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

Tekaria 8:19

Kaain Iuta, I tangiria Ngai ae te UEA b'a ngkana kam aki mamatam are aron ami taromauri, ao kam na riai ni karaoia b'a te tai ni bootaki ni kukurei. E aoria ngkana te kaaua n nam'akaina, ke te kanimaua n nam'akaina, te kaitiua n nam'akaina ke te katebwina, ma kam na riai ni karaoa te toa ae e kakukurei. Ma ngaia are, kam na tangira te koaua ao maeka i nanon te rau.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 32:30

E na kanga ti temanna aia tautia kairiribai ni kakioia teuana te nga tautian Iteraera? Ke a na kanga uoman mai buakoia ni kakioia tebwina tengaa aia taanga mai roura? E ti kona n riki aei ngkana E katoka Ana kakaawakin te UEA nakon Iteraera ma ni katokanikaia kairiribai.