2.Uea 25:29 - Te B'aib'ara

²⁹ E boni kariaiakaki naba Ieoiakin b'a e na b'ainna ni kunnikai aika tiaki kunnikaiia buure, ao e am'aam'arake n ana taibora te uea ni katoa bong.

2.Uea 25:29 ပူးပေါင်းရင်းမြစ်များ

Karikani B'aai 41:14

Ao e kananako wetean Ioteb'a te uea, ao e kawaekoaaki n anaaki man te karabuuti. Ao e a koreaki moa buaina ma n oneaki kunnikaina, ao i mwiina, e a tib'a uotaki nako matan te uea.

Karikani B'aai 41:42

Ao e buuta ana m'am'a te uea mai baina, te m'am'a are e mena i aona ana kanikina te uea, ao e karinna i aon bain Ioteb'a. Ao e karina naba te kunnikai ae tamaroa i aon Ioteb'a, ao e karina te m'ae te tiein ae te koora i aon roroana.

2.Tamuera 9:7

Ao e taku Tawita, “Ko na aki maaku. N na akoiko b'a ngaia tamam Ionatan. N na anganiko te aba are ana b'ai tibum are Tauro. Ao i rarikin anne, ko na am'aam'arake i rarikiu n au taibora.”

1.Uea 2:7

E buokai natin B'aretirai te m'aane are kaain Kireata ngke I birinako mairoun tarim are Abetarom. Ko na akoia, ao kariaia b'a e na am'arake n am taibora.

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

Etita 4:4

Ao a na toro Nei Etita ake aine ma tooro naba ake tabeman a tuangnga te b'ai are e karaoia Moretekai, ao e aki rau nanona iai. Ao e anganako kunnikain Moretekai tabeua b'a e na karin i aona n onei mwiin kunnikaina ake a mangaingai, ma e rawa iai Moretekai.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 22:26

Ko kaai ni bungiaki ma tinam i Iuta, ma N na karenakoingkami ni kauoman nako abaia ianena, ike kam na mate iai,

Ieremia 52:33

E kariaiakaki Ieoiakin ni kunnikainna n aron kunnikaia aomata ao ai tiaaki te kaboraoi ni bure, ao e bon am'arake naba n ana taibora te uea ni katoa bong.

Tekaria 3:4

Ma ngaia are, e tuangiia tabeman te anera b'a a na onea ana kunnikai Iotua ake a rangi ni baarekareka akekei. Ao i mwiina, e taku nakon Iotua, “Nanon aei b'a a tia ni kab'araaki am bure. Ngkai N nang karina kunnikaim ana kunnikai te ibonga.”

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;