2.Uea 24:8 - Te B'aib'ara

⁸ Ai tib'a 18 ana ririki ni maiu Ieoiakin ngke e riki b'a te uea i Iuta, ao e tautaeka ti i nanon tenua te nam'akaina mai Ierutarem. Tinana bon Nei Neutita are natin Erenatan are kaain Ierutarem.

2.Uea 24:8 ပူးပေါင်းရင်းမြစ်များ

1.Rongorongo 3:16

Ieoiakim bon tamaia Iekonia ma Tetekia.

2.Rongorongo 36:9

Ai tib'a tebwi ma wanua ana ririki ni maiu Ieoiakin ngke e a riki b'a te uea i aon Iuta, ao e tautaeka i nanon ti tenua te nam'akaina ao tebwina te bong mai Ierutarem. E aki ongotaeka Ieoiakin iroun te UEA ngke e karaoi m'akuri aika a buakaka.

Ieremia 22:24

Te Uea ae Ieoiakin, are natin Ieoiakim te mm'aane, e ngae ngkana ko rin i baiu b'a kaanga te m'am'a ae i baiu ae kanikinaean m'aakan te uea, ma N na bon buutiiko nako mai tabonibaiu.

Ieremia 22:26

Ko kaai ni bungiaki ma tinam i Iuta, ma N na karenakoingkami ni kauoman nako abaia ianena, ike kam na mate iai,

Ieremia 22:28

Ieoiakin, ko aki tangiraki kaanga te b'aata te kaatiibu ae e a uruaki. Ma ngaia are, kam na tewenakoaki ngkoe ma natim nakon te aba ae ko tuai man ongongo ma ngkoa.

Ieremia 24:1

E taetae te UEA nako iu n te mii ngke e a tia Nebukaneta are uean B'aburon n roko i Iuta ma n uota nako te uea are Ieoiakin, ana aobitia, ana taani m'akuri aika a m'aatai ni kaokia nako B'aburon. N te mii aei, I noora uoua te b'aene ni biiku i matan ana Tembora te UEA.

Ieremia 37:1

Ao e a tia ni kanakoa Ieoiakin are natin Ieoiakim te mm'aane man te nakoa ni uea i aon Iuta te Uea are Nebukaneta, ao e a manga kauea Iotia are natin Tetekia te mm'aane n onea mwiina.