2.Uea 24:17 - Te B'aib'ara

¹⁷ Ao i mwiina, e rinea tarin taman Ieoiakin are Matania b'a e na uea i Iuta ao e bita arana nakon Tetekia.

2.Uea 24:17 ပူးပေါင်းရင်းမြစ်များ

2.Uea 23:34

E rinea natin Iotia are Eriakim te uea are Neko b'a e na uea i aon Iuta, ao e bita arana nakon Ieoiakim. E kaira nako Ieoaati b'a te taenikai nako Aikubita, ike e a mate iai.

2.Rongorongo 36:4

Ao i mwiina, e rinea tarin Ieoaati are Eriakim te uea are Neko b'a e na uea i aon Iuta ao e kab'aka arana nakon Ieoiakim. Ao e kaira nako Ieoaati nako Aikubita b'a te taenikai.

Ieremia 1:3

ao E teimatoa n taetae nako iu i nanon ana tai n tautaeka natin Iotia are Ieoiakim te mm'aane. Ana kabanea n taetae te UEA nako iu bon n te kanimaua n nam'akaina n ana katebwi ma teuana n ririki Tetekia are natin Iotia te mm'aane n uea. Bon anne naba te tai are a uotaki nako iai kaain Ierutarem b'a taenikai.

Ieremia 21:1

Ao e kananako wetean Batura are natin Marekia ao te ibonga are arana Teb'ania are natin Maateia te mm'aane te Uea are Tetekia. are uean Iuta. Ao i mwiina, e tuangai b'a N na tuangiia ni kaangai, “Ko na taetae ma Ieremia i buku.” Ma ngaia are a roko irou ao a taku,

Ieremia 37:1

Ao e a tia ni kanakoa Ieoiakin are natin Ieoiakim te mm'aane man te nakoa ni uea i aon Iuta te Uea are Nebukaneta, ao e a manga kauea Iotia are natin Tetekia te mm'aane n onea mwiina.

Ieremia 49:34

E aki maan i mwiin uean Tetekia i aon Iuta, e taku te UEA ae Moan te M'aaka nako iu: Aomatan Eram. Ngai, te UEA ae Moan te M'aaka, N na tiringiia taani katebe ake a kakorakoraa Eram.

Ieremia 52:1

Ai tib'a uabwi ma teuana ana ririki ni maiu Tetekia ngke e rineaki b'a te uea i aon Iuta, ao e tautaeka mai Ierutarem i nanon tebwi ma teuana te ririki. Tinana are Nei Amutara bon natin Ieremia te aine, Ieremia are man te kaawa are Ribena.

Etekiera 17:13

E rineia temanna mai buakoia ana utu Iuta ao e tiaainaa te boraraoi n raoi ma ngaia, ao i mwiina, e tuangnga b'a e na tuea b'a e na kakaonimaki. E bon kairiia nako ake tekorakina b'a a na riki b'a kaain te aba aika a kakaawaki,

Etekiera 17:16

Ngkai bon te UEA Ngai ae te Atua, ao I tuea b'a e na mate uean Iuta i B'aburon, i bukina ngke e urua te boraraoi n raoi ma uean B'aburon, are e bon rineia b'a e na uea.

Etekiera 23:17

A m'aiti aia tai m'anen B'aburon n roko ni wene ni bure ao e a kam'araa irouia.

Taniera 1:7

Ao te mataniwi arei e a anganiia araia aika a boou aika Taniera b'a Beretetiata, Anania b'a Tiateraka, Mitiaera b'a Metiaka, ao Ataria b'a Abeteneko.