2.Uea 24:14 - Te B'aib'ara

¹⁴ E kairiia nako taian aobitia ma mataniwi, taani kairiiri n te taanga ni buaka, ao taani m'akuri aika a rabakau. Bon 10,000 bootaia. Bon ti aomata ake a rangi ni maiu ni kainano ake a tiku i Iuta.

2.Uea 24:14 ပူးပေါင်းရင်းမြစ်များ

2.Uea 24:16

E boni kairiia nako naba 7,000 tautia, 1,000 taani m'akuri aika a rabakau, ao aomata nako aika a na rangi ni boongana n te buaka.

2.Uea 25:12

A ti katukaki tabeman aomata aika a rangi ni kainano b'a taan ribanai taian nenaroka ni kureebe, ao taian tawaana.

1.Rongorongo 9:1

A bane n tauaki araia Iteraera n rongorongon te utu ae e eti raoi are e karinaki naba n Rongorongoia Uean Iteraera. A uotaki nako aomatan Iuta b'a taenikai nako B'aburon i bukina ngke a bure nakon te UEA.

Etira 2:1

E a tia uean B'aburon are Nebukaneta n tauia kaain Iuta aika a bati, ao e uotiia nako B'aburon b'a ana taenikai. I aoni kawaia ngkai n okira Ierutarem ma oin aia kaawa nako i aon Iuta.

Neemia 1:2

Ao ngke e roko tariu are Anani ma tabeman m'aane mai Iuta, ao I titirakinna taekaia Iutaia ake a birinako man te kataenikaiaki i B'aburon. Ao I titirakiniia naba i bukin te kaawa ae e buubura are Ierutarem.

Etita 2:6

Ngke e anaa uean Iuta uean B'aburon are Nebukaneta, are Ieoiakin mai Ierutarem nakon te kataenikaiaki, ao bon raoia naba taenikai teuare Moretekai.

Itaia 3:2

tautia ma aomata aika a kakannato, taani moti ao burabeti, taani kairiiri ao aobitia n te taanga ni buaka,

Ieremia 27:20

ao e katikui taiani boua, tangke ake taian buraonti, te kaanikatikitiki, ao kaub'ain te Tembora ake tabeua.

Ieremia 28:4

A na kariaiakaki te uea are Ieoiakin ma aomata ake tabeman ake a uotaki nako B'aburon b'a a na oki naba nako ikai. A riki b'aai aikai ni kabane i bukina ngke I urua m'aakan uean B'aburon!

Ieremia 29:2

I koreia i mwiin uotakinakoan te uea are Ieoiakin, ma tinana, mataniwiin te bareti, taani kairiiri i Iuta ma Ierutarem, taani karaob'ai, ao taani m'akuri aika a m'aatai b'a taenikai.

Ieremia 39:10

Bon ti aomata aika akea abaia ake a tiku i Iuta, ao Nebukaneta e anganiia aia tawaana ma aia nne n aroka ni kureebe.

Ieremia 40:7

Iai tabeman aobitian Iuta ao tautiana aika a aki kataenikaiaki. A ongo b'a e a tia uean B'aburon n rinea Ketaria b'a e na tautaekana Iuta ma n tararuaia aomata ni kabane aika a aki uotaki nako B'aburon, ma koraki ake a kainano n te aba arei.

Ieremia 52:16

Bon ti aomata aika a rangi ni kainano aika a tiku b'a a na m'akuri n te nnenikureebe ao taian tawaana.

Ieremia 52:28

Aikai m'aitiia ma araia koraki ake a uotaki nako i roun Nebukaneta b'a taenikai: n ana kaitiua n ririki ni uea e uotia nako 3,023;

Etekiera 17:14

b'a aonga n ongotaeka nikiraia kaain Iuta ma n ongotaeka i rouna n ti ngaia ao e na aki manga reke ae a na manga bon taua riki aron abaia.

Etekiera 17:3

b'a a aonga n ataa te b'ai ae I taekinna nakoia: N te tai teuana ao e a kiba i aon Reb'anon te ikare ae e korakora baina ni kiba ma n tamaroa buraena. E otea taberan te kai ae te tiira,

Mataio 1:11

ao Iotia e karika Iekonia ma tarina nako, n te tai are a kairaki nako iai Iteraera b'a taenikai i B'aburon.

Mataio 1:12

I mwin te kairaki nako B'aburon, ao Iekonia e karika Tearetiera; ao Tearetiera e karika Terub'abera;

Mataio 1:17

Bootaia ngkanne rooro ni bane mairoun Aberaam ni karokoa Tawita, bon tengauni ma a roro; ao mairoun Tawita ni karokoa te kairaki nako B'aburon bon tengauni ma a roro ao man te kairaki nako B'aburon ni karokoa bungiakin Iesu, bon tengauni ma a roro naba.

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

1.Tamuera 13:19

Ao kaain Biritia a rawa n reireiniia Iteraera aron karaoan te biti ao a taku, “Ngkana ti kariaia b'a a na reireiaki, ao ane a na rabakau ni karaoa te kabaang ma te kainiwai Iteraera aika bon te akea bonganaia aikai.”