2.Uea 23:8 - Te B'aib'ara

⁸ E bon kani bane kaawan nako Iuta ni karaoaki iai taian angakarea irouia ibonga nakon te UEA ni bangotan te aba. E kairiia ibonga aikai Iotia nako Ierutarem ao e kam'araai aia baangota b'a a na aki kamanenaaki i bukin te taromauri. Ni kabane taiani baangota ake mai Keeb'a are i meangin Ierutarem nako Beerateb'a i maiaki. E bon kamaunaa naba te baangota are i Beerateb'a are e mena i maingin te mataroa are Iotua, are e ingoanaki n aran te kabanea n rietaata ni mataniwi n te kaawa ae e buubura anne.

2.Uea 23:8 ပူးပေါင်းရင်းမြစ်များ

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 21:31

Ao e a aranaki te tabo arei b'a Beerateb'a i bukina ngke a karaoa aia berita ikekei ngaiia ake uoman.

Karikani B'aai 26:23

Ao e nako Itaaka nako Beerateb'a.

1.Uea 15:22

Ao e tuangiia aomata ni kabane i Iuta b'a a na uotinako ni kabane atiibu ma kaai ake e kaboonganai Baatia are e kamatoa te kaawa iai. Ao e kaboonganai atiibu ma kaai naba akekei ni kamatoa iai te kaawa are Keeb'a are n aban Beniamin ao te kaawa are Mitib'a.

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

1.Rongorongo 6:60

Ao a anganaki man te baronga are Beniamin kaawa aika Keeb'a, Aremeta, ao Anatota ao aaba aika a raoiroi uteuteia ake i rarikina. Tebwi ma tenua kaawa ake a anganaki ana kariki Aaron.

Itaia 10:29

i m'aain m'anangaia i nanon te m'arua ma tikuia n te tairiki ni kangainaa i Keeb'a. A maaku kaain Rama, ao aomata ni kabane i Kireata, are ana kaawa Tauro, ao a biri nako.

Etekiera 44:10

Iai tabeman kanoan Rewi aika a tannako mairou ao a raoniia Iteraera tabem'aang ake a taromauri taian bouannanti. Ma ngaia are, a na riai ni katuaaeaki kanoan Rewi aikai!

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Tekaria 14:10

Mai Keeb'a rikaaki nako Rimmon

Iotua 18:24

Kebaraammoni, Obeni, ao Keeb'a. Bon tebwi ma uoua bootan kaawa aikai, ao iai naba kaawa aika a uarereke i rarikiia.

Iotua 21:17

A anganaki naba aua kaawa man abaia te baronga are Beniamin aika kaawa aika: Kibeon, Keeb'a,

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?