2.Uea 23:7 - Te B'aib'ara

⁷ E urua ni kab'aka te auti ae e korakora are e tena ma te Tembora are a maeka iai ainen matawa aika m'aane, ike a kakaraoaki iai kunnikai aika a tabu i bukin te anti are Nei Aatera.

2.Uea 23:7 ပူးပေါင်းရင်းမြစ်များ

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

1.Uea 15:12

E kanakoia ainen matawaan taiani baangota ni kanakoia man te aba, ao e kamaunai bannan anti ake a karaoi ngkoa ana bakatibu.

2.Rongorongo 34:33

E kamaunai taian bouannanti ni kabane Iotia n te aba are Iteraera, ao e tuangiia aomata ni kabane i Iteraera b'a a na taromauriia te UEA ae te Atua n ti ngaia. Ao a aki manga tannako aomata mairoun te UEA ae Atuaia aia bakatibu ni kabane n ana tai n tautaeka Iotia ngke e uea.

Etekiera 16:16

Ko karaoa oin am baangota ao ko katamaroa ni kunnikaim tabeua. Ao bon anne te tabo ike ko anaia iai taan roko b'a a na wene ni bure ma ngaiia. A na bon aki manga riki b'aai aikai!

Etekiera 8:14

Ao e uotai nakon mataroan te Tembora are i meaang, ngke I a nooriia aine aika a tang i bukin te anti are Tammuti.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Otea 4:13

Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

Otea 4:14

Ma I aki katuaaia. Boni ngkami aika m'aane aika kam riai ni bukinaki, i bukina b'a kam nako ni kawariia ainen matawa ao kam anga karea ma ngaiia n aia baangota nako beekan. E na uotingkami nanobabami nakon uruakami.

Warekaia Iteraera 25:1

Ao ngke a katei maeka Iteraera i Aketia, ao a wenenibure tabeman mm'aane ma ainen Moaba.

Te Tua-Kaua 23:17

Kaain Iteraera, bon akea mai buakomi ae na riki b'a ainen matawaan te tembora.