2.Uea 23:5 - Te B'aib'ara

⁵ E boni kanakoia man te aba naba aia ibonga beekan ni baangotan te aba are i nanon Iuta ao i rarikin nako Ierutarem. Aikai m'aane ake e rineia uean Iuta b'a a na anga taiani karea nakon B'aara ao nakon taai, nam'akaina, ao taiani itoi.

2.Uea 23:5 ပူးပေါင်းရင်းမြစ်များ

2.Uea 21:5

ao i bukin taian itoi te uea are Manate. E kamenaki taian baonikarea aikai i nanon m'aaken te Tembora,

2.Rongorongo 33:3

E katei baangotan te aba ake e a tia n urua tamana are Etekia. E karaoa te bouannanti i bukin te anti are Baara ao e katea te boua are e tabu i bukin taromaurian te anti te aine are Nei Atera ao e kakaonimaki n taromauri taian itoi i karawa.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

Iobi 38:32

Ko kona n tuangiia taian itoi te tai are a riai n otioti iai, ao ni kaeta aron te Bea are buubura ma bunna?

Etekiera 8:6

Ao e a manga taku te Atua, “Kam noora aia bure Iteraera ae moan te kakamaaku? Aikai buure aika a karika au Tembora b'a te tabo ae e aki tau i bukin taromauriau. Ma e ngae n anne, ao kam na noori riki b'aai riki aika a buakaka nakon aei.”

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Teb'ania 1:4

N na oroia aomatan Ierutarem, n te aba ae Iuta ni kabane, n na kamaunaia n tatabemaniia nako, aomata ake a taromauria B'aara, b'a e aonga ni bon akea manga uringaia ibonga ni beekan.