2.Uea 23:4 - Te B'aib'ara

⁴ Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

2.Uea 23:4 ပူးပေါင်းရင်းမြစ်များ

2.Tamuera 15:23

Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.

1.Uea 12:29

Ao i mwina, e katuka te kaoteteei te koora are teuana n te kaawa are Betaera. Ao e katuka are temanna n te kaawa ae Taan, ao a m'ananga aomata rimoan te kaoteteei ngke e uotaki nako ikekei. Bon te bure ae moan te kakaiaki te b'ai are e tia ni karaoia Ierutarem.

1.Uea 15:13

E boni karaoa naba bannan Nei Aatera tibuna are Nei Maaka, ao e anaia Ata ni kabuokia n te M'arua are Kiteron. Ao i mwiina, e kab'aka tibuna man nnena are te ueanaine ae te tina.

1.Uea 16:31

Bon ti te bo are e karaoia ma Ieroboam. Ao ana bure riki ae moan te buakaka bon ieinna ma Nei Ietebera are natin uean Titon are Etabaara, ao e a manga taromauriia B'aara.

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:26

Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

1.Uea 19:18

Ma boni iai 7,000 m'aitiia Iteraera aika a rawa n taromauriia B'aara, ao boni ngaiia aika a na maiu.

2.Uea 10:26

ao a kaotinakoa bannan B'aara. A kabuokia,

2.Uea 12:10

Ngkana e on te b'aoki n te m'ane, ao a warekaki m'aitina irouia ana tia koroboki te uea, ao te mataniwi n ibonga, ao a na karinna n taiani buua.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 21:5

ao i bukin taian itoi te uea are Manate. E kamenaki taian baonikarea aikai i nanon m'aaken te Tembora,

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Uea 22:4

ao tuanga Irekia are te ibonga are e rietaata b'a e na anai m'aane ni kabane ake aia anganano aomata mairouia taan tei.

2.Uea 23:12

Tabeman uean Iuta, ma ai moaraara riki Manate, e a tia ni karaoi taiani baonikarea i nanon oon te Tembora ake uoua, ao n te tabo naba are e karaoia Aati i aon taubukin te bareti. E uruia taiani baonikarea aikai Iotia ao e kamaerikirikii, ao e karenakoi m'akorokoroia i nanon te M'arua are Kiteron, i tinanikun Ierutarem.

2.Uea 23:15

Ma e bon aki toki ikanne ana m'akuri Iotia. E urua naba te baangota ao te baonikarea ake e kateia Ieroboam are natin Nabata te m'aane are a riki ni bure iai Iteraera. E kabuoka baangotan ao bouan Nei Aatera, ao e kamantinti ni kabubui.

2.Uea 25:18

I mwiina, e a manga katika Teraia are te mataniwi ni ibonga te uea are Nebukaneta, ao n reitaki naba ma Tebania are te kauoman ni mataniwi ni ibonga, ao teniman taiani mataniwi n te Tembora.

2.Rongorongo 15:16

E a tia tibun Ata te unaine are Nei Maaka ni karaoa te bouannanti ae e rangi n ribaaki are Nei Atera, ma ngaia are, e koroia ni kab'aka, ao e kamaerikirikia, ao e kabuokia n te M'arua are Kiteron. Ao i mwiina, e kam'ainga Nei Maaka mani nnena are te tina ni ueanaine.

2.Rongorongo 33:3

E katei baangotan te aba ake e a tia n urua tamana are Etekia. E karaoa te bouannanti i bukin te anti are Baara ao e katea te boua are e tabu i bukin taromaurian te anti te aine are Nei Atera ao e kakaonimaki n taromauri taian itoi i karawa.

2.Rongorongo 33:7

e kakawaria taan kaiwa i bukin buokana ao e anga natina te m'aane b'a a na karea n te M'arua are Innom. E bon karaoi naba taiani bure aika a rangi ni buakaka ake tabeua ao e rangi ni kauna te UEA. N ririki aika a nako, e a tia n tuanga Tawita ma Toromon te UEA: Ierutarem bon te tabo are I tangiria nakon taabo ni kabane i aon Iteraera. Bon au b'ai, ao n na taromauriaki i nanon te Tembora n aki toki.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Ieremia 52:24

I mwiina, a katiki Teraia are te mataniwi ni ibonga ma te tia buokia are Teb'ania, ao mataniwiin te Tembora aika teniman i roun Nebutaratan

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Etekiera 8:6

Ao e a manga taku te Atua, “Kam noora aia bure Iteraera ae moan te kakamaaku? Aikai buure aika a karika au Tembora b'a te tabo ae e aki tau i bukin taromauriau. Ma e ngae n anne, ao kam na noori riki b'aai riki aika a buakaka nakon aei.”

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Amota 4:4

E taku te UEA ae moan te rietaata, “Ngkami aika aomatan Iteraera, kam na nako Betaera ae ana kaawa te Atua ae e tabu, ao karaoi m'akuri aika a bure iai ngkana kam kona! Naako Kirekara ao kabatiai riki ami bure! Naako uotimai ami man b'a kam na anga karea ni katoa ingabong, ao uotimai naba ami kabwianib'ai b'a a rikoaki ni katoa te katenua ni bong

Teb'ania 1:4

N na oroia aomatan Ierutarem, n te aba ae Iuta ni kabane, n na kamaunaia n tatabemaniia nako, aomata ake a taromauria B'aara, b'a e aonga ni bon akea manga uringaia ibonga ni beekan.

Mataio 26:3

N te tai naba anne, ao a botaki ibonga ake mataniwi ma aia unimm'aane aomata i nukan ana auti mataniwiia ibonga are arana Kaiaba, n te tabo are aki bono aona,

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Ioane 18:1

Ngke E a tia n tataro Iesu, ao E nako ma ana reirei n ri aon te karaanga are Kiteron nakon te tabo are e mena iai te ne n aroka, ao E rin iai ma ana reirei.