2.Uea 23:20 - Te B'aib'ara

²⁰ E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

2.Uea 23:20 ပူးပေါင်းရင်းမြစ်များ

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

1.Uea 18:40

Ao e taku Eria, “Tauia ana burabeti B'aara! Tai kabiri nakoa naba temanna.” Ma ngaia are, a raweia ana burabeti B'aara aomata ao a uotiia nakon te Karaanga are Kition, ike e a tiringiia iai Eria ni kabaneia.

2.Uea 10:25

Ao ngke e a tib'a bane ana angakarea Ieu, ao e a tuangiia taan tei ao tautia ni kaangai, “Mai tiringiia, Tai kabiri nakoa temanna.” A tiringiia ni kabane kaain te bootaki arei, ao a tewenakoi rab'ataia i tinaniku, ao i mwiina, a manga rin nako n te tembora,

2.Uea 11:18

Ao i mwiin arei, ao a nako aomata n rin n te tembora are e karaoaki i bukin neboakin B'aara, ao a kab'aka. A urui taiani baonikarea ao taiani bouananti ao a tiringa Matan are ana ibonga B'aara, i matan te baonikarea. I mwiina ngke e a tia Ieoiata ni katikuia taan tei ni katobibia te Tembora,

2.Rongorongo 34:5

Ao e anai riia aia ibonga beekan ao e kabuoki i aon taiani baonikarea. Ma ngaia are, e kamaunaa taromaurian antiia ianena Iotia i Iuta ao i Ierutarem.

Te Otinako 22:19

Tuaan te wene ni bure ma maan bon te tiringaki.

Te Otinako 22:20

Tuaan te angakarea nakoia anti tabem'aang, bon te tiringaki akea riki b'a bon ti Ngai.

Itaia 34:6

E on ana kabaang te UEA n te raraa aika raaraia tiibu ataei ao kooti ataei, n reitaki ma nenean aia kirine taian tiibu m'aane. E na riki aei i bukina ngke e na tiringiia aomata aika a m'aiti te UEA ao E na karaoa te karea i bukiia n te kaawa ae e bubuura are Botira ao n taabo nako i Etom.

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Te Tua-Kaua 13:5

i bukina b'a E kamaiungkami ngkoa man te toronaki i Aikubita. Ngkana e tuangngkami te burabeti b'a kam na aki ongotaeka nakon te UEA ae Atuami ma ni katokaa taromauriana, ao kam na ataia b'a e buakaka te burabeti anne, ao e na riai n tiringaki.