2.Uea 23:19 - Te B'aib'ara

¹⁹ A kauna te UEA tabeman uean Iteraera tabeman ngke a karaoi baangotaia beekan i aon Iteraera ni kabutaa. Ma ngaia are, e kanakoia ana taanga ni buaka Iotia b'a a na kamaunai taian baangota aikai n aron are e karaoia i Betaera.

2.Uea 23:19 ပူးပေါင်းရင်းမြစ်များ

1.Uea 12:31

Ao e karaoi taabo n taromauri aika a uarereke n taian baangota. Ieroboam, ao e rineia m'aane aika akea rekerekeia ma te baronga are Rewi b'a a na m'akuri b'a ibonga.

1.Uea 13:32

I boni kakoaua b'a a na bane ni koro bukin b'aai ake e a tia n taekin i bukin te baonikarea are i Betaera ao te baangota are i Tamaria.

1.Uea 16:33

ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

2.Uea 17:9

E rangi ni korakora riki aia bure Iteraera ngke a manga kataia ni karabaa aia bure nakon te UEA ae Atuaia. E katei aia baangota ni kabutaa aon Iteraera, ni moa mani kaawa aika a uarereke ni karokoa kaawa aika a buubura, ma kaawa aika a buubura naba ake a nonoaki.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Uea 8:18

E aki ongotaeka Ieoram nakon te UEA b'a e karaoi m'akuri aika a bure. E mareaki ma natin Aaba te aine, ao e bure n ai aroia ana utu Aaba, ao uean Iteraera ake tabeman.

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.