2.Uea 23:10 - Te B'aib'ara

¹⁰ E kanakoia tabeman m'aane Iotia nakon te M'arua are Innom are i tinanikun Ierutarem ma ana taeka ae a na aki kariaiakaki baonikarea ikekei b'a b'aai n taromauri. N te aro anne, are a aki konaa iai aomata ni manga kamanenai i bukin kareanakin aia ataei nakon Moreka.

2.Uea 23:10 ပူးပေါင်းရင်းမြစ်များ

1.Uea 11:7

E karaoi taian baangota Toromon i aon te tabuki are i mainikun Ierutarem i bukin taromaurian Kemoti are antiia kaain Moaaba ae e rangi ni kam'araa, ao Moreka are antiia kaain Ammon ae e rangi ni kam'araa.

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 17:17

A kabonganaa te tabunea, ao m'akuri ni ibonga i bukiia anti, ao a anga oin natiia b'a taiani karea. A kakaraoi b'aai ake E ribaai te UEA Iteraera.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Rongorongo 28:3

ao e anga karea n te M'arua are Innom. Ana bure ae e rangi ni buakaka ngke e anga oin natina te m'aane b'a ana karea, are bon te katei ae moan te buakaka ngkoa irouia te botannaomata ake a kanakoaki iroun te UEA mai aon Iteraera.

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Neemia 11:30

Tanoa, Aturam, Rakiti, ao Ateka. A bon tekateka raoi n te kaawa ake man Beera-Teba i maiaki ni karokoa te M'arua are Innom i meang.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 19:2

nakon te M'arua are Innom, i tinanikun te Kaatiibu ae e Uruaki Ao tuangiia aomata Au taeka aika a kaangai:

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 19:6

Ma ngaia are, kam na taratara raoi! N te bong teuana ao e na aki manga aranaki te tabo aei b'a Tobeta ke te M'arua are Innom. E na aranaki b'a te M'arua n Tiritiri!

Ieremia 32:35

Ao a kairiia kaain Iuta nakon te bure ngke a manga karaoi taabo i bukin taromaurian B'aara n te M'arua are Innom, ike a karean iai natiia mm'aane ma natiia aine nakon Moreka. I bon tuai man tuangiia b'a a na karaoi buure aika a rangi n ribaaki aikai.

Etekiera 16:21

Ko tiringiia natiu, b'a ko aonga ni konaa n anaia b'a am karea.

Etekiera 20:26

ao I kariaia b'a a na anga nako iu taiani karea aika a aki kariaiakaki, n reitaki ma naati m'aane ake taiani karimoa. I karaoa aei b'a N na kakamaakuia b'a a na ataia b'a boni Ngai ae te UEA ae I katuaaia.

Etekiera 20:31

b'a a manga taromauri bouannanti ao a anga oin natiia b'a taiani karea. A karaoi taiani bure aikai ao a bon teimatoa naba ni kaantaningaia b'a a bon konaa n bubutiai te rongorongo b'a N na kaotia nakoia. Ngkai bon te UEA ae te Atua Ngai ae I maiu, ao N na bon aki anganiia te kaeka.

Nakoaia Ibonga 18:21

Ko na tai anga natim nakon taromaurian te atua are Moreka, b'a anne boni kamaamaean aran te Atua, are te UEA.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.

Iotua 15:8

Ao e a manga tam'arake nakon te m'arua are Innom, are i maiakin te tabuki are mena iai aia kaawa I-Iebuti are Ierutarem. Ao e a manga ri aon te tabuki are i maeaon te m'arua are Innom are i meangin m'aruan Rebaim mai meang.

Iotua 18:16

Ao e a manga biri rikaaki nako oin te maunga are e kaitaraa te m'arua are Innom, are i tabon te m'arua are Rebaim mai meang. E a manga nako aiaki n ri nanon te m'arua are Innom are i maiakin taberan maungan Iebuti ni kaineta rarikin Enrokera.