2.Uea 22:14 - Te B'aib'ara

¹⁴ Ao a nako m'aane ake niiman akekei n taetae ma Nei Ureta are te burabeti. Buun Nei Ureta bon Tiarum are natin Tikewa, are te tia tararuai ana kunnikai te uea. E maeka Nei Ureta ni m'akoron Ierutarem are mai meang, ao ngke a kaaitibo ni mwengana

2.Uea 22:14 ပူးပေါင်းရင်းမြစ်များ

2.Uea 10:22

E tuanga te mataniwi Ieu are te tia kaawakin taian niiniira aika tabu b'a a na kakoaua raoi b'a a bane aomata ni kunnikaiia iai.

2.Uea 22:15

ao e taku nakoia: “Kam kanakoaki mairoun te uea are Iotia, ao aei ana Taeka te UEA ae Atuan Iteraera nako ina:

2.Rongorongo 34:22

Ao a nako Irekia ma m'aane ake aman akekei ao a nako n taetae ma Nei Ureta are te burabeti. Buun neierei bon Tiarum, are bon ngaia are e tararuai kunnikain te uea. E maeka Nei Ureta ni m'akoron Ierutarem are meang, ao ngke a kaaitibo ni mwengana,

Neemia 7:72

A anga 153 kirokuraem te koora taani kairiiri man taiani utu ao 1,458 kirokuraem te tirewa. Ao nikiraia aomata a anga 153 kirokuraem te koora, 1,325 kirokuraem te tirewa ao 67 te kunnikai i bukiia ibonga.

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Ieremia 39:14

a kanakoa te taanga ni buaka b'a a na anaai n aia katawanang taan tei n te bareti. A katukai i aan ana kakaawakin Ketaria are natin Aikam te mm'aane ao a tuangnga b'a e na kairai nakon mwengau. Ai ngaia are I kariaiakaki b'a n na tiku ma aomata ake a tiku i Ierutarem.

Etekiera 13:17

Etekiera ae natin te aomata, ko na kabuakakaia ainen Iteraera ake a kab'arab'araa te rongorongo are bon oin aia iango.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Teb'ania 1:10

“Ao n te bong arei,” bon ana taeka te UEA, “Ko na ongo te tanginiwenei n te mataroa are e aranaki b'a te ika i Ierutarem, ao ko na ongo te tanginiwenei n iteran te kaawa are e boou, ao te rurunga man taian tabuki.

Ruka 2:36

Ao iai te burabeti ae Nei Anna, are natini B'anuera ae kaain te baronga are Atera; e a kara, ao e a tia n tekateka ma buuna i nanon itiua te ririki ma ngke a moa n iein.

M'akuri 21:9

Iai aman natina aine aika tuai n iein, aika tataetae ni burabeti.

1.I-Korinto 11:5

Ao te aine ae tataro ke ae taetae ni burabeti, n aki rabuna atuna, ao e kamatauningaa atuna; bon akea okorona ma te aine are e a tia ni korobuatauaki.

Tani Motiki-taeka 4:4

Bon te burabeti Nei Tebora are buun Rabitota ao bon te tia kairiiri naba irouia Iteraera i nanon boong akanne.