2.Uea 22:13 - Te B'aib'ara

¹³ E a bon rangi n un te UEA irou ao kaain Iuta ni kabane, b'a a tia ara bakatibu n aki iri nanon taian tua aika a koreaki i nanon te boki aei. Naako kakaea te b'ai ae E tangiria te UEA b'a ti na karaoia.

2.Uea 22:13 ပူးပေါင်းရင်းမြစ်များ

2.Uea 23:26

Ma E bon teimatoa naba te UEA ni maraki nanona irouia kaain Iuta i bukin b'aai aika a bati ake e a tia Manate ni karaoi are E un iai.

2.Uea 3:11

Ao e taku Ieotiab'ata, Antai Ana burabeti te UEA ae e iriira? Ti na titirakinna b'a tera ae e tangiria te UEA b'a ti na karaoia. Ao e taku temanna ana mataniwi Ioram, Ae ikai Eritai are natin Tiabata te m'aane. Bon te tia buobuoka Eria.

2.Rongorongo 29:6

A aki kakaonimaki tabeman ara bakatibu ao a aki ongotaeka naba iroun te UEA ae Atuara. A aki ti tannako mairoun te UEA ma a bon aki karinea naba ana Tembora.

2.Rongorongo 34:21

“E bae n rangi ni un te UEA irou ao irouia aomata naba ni kabane i Iteraera ao i Iuta, i bukina b'a a tia n aki ongotaeka ara bakatibu nakon taian tua aika m'akoro i nanon te boki aei. Naako kakaaea b'a tera nanon te UEA ae ti na karaoia.”

Neemia 9:3

A tei i nanon tenua te aoa n ongora n ana Tua te UEA ae te Atua, ao manga tenua riki te aoa a manga raraoma i bukin aia bure ao a taromauriia te UEA.

Taian Areru 106:6

Ti a tia ni bure n ai aroia naba ara bakatibu, Ti a tia ni karaoa ae bure ma ae buakaka.

Taian Areru 25:14

Te UEA bon raoraoia akana ongeaba i Rouna, Ao E karaoa ana boraraoi ma ngaiia.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taian Areru 76:8

Ko karaoi am Moti mai karawa; A bane ni maaku aomata ao a kainab'aabu,

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Taeka n Rabakau 3:6

Karikia n taai nako b'a te tia kairiko, ao e na kaitiaka te kawai b'a ko aonga n ri mwiina.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 36:7

E bono nanon te UEA, ao ngkana a ongo aomata arona ni katuaaia, ao tao a na bae ni buubuti kab'araan aia bure.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

B'aeb'aeti 5:7

A bure ara bakatibu, ao a mate, ao ngaira ti a karawaawataaki i bukin aia bure.

Taniera 9:10

Ti aki kan ongo Iroum, te Atua ae te UEA, ngkana Ko tuangiira b'a ti na maiu i nanon am Tua ake Ko a tia n anganiira i nanoia am toro ake burabeti.

Nakoaia Ibonga 26:14

E taku te UEA, N na katuaaingkami ngkana kam aki ongotaeka nakon au tua.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

I-Rom 3:20

B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Rom 7:9

I maiu ngkoa ngke akea te Tua; ma ngke e roko ana Taeka te Atua n te Tua, ao e a manga uti te bure,

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”