2.Uea 21:9 - Te B'aib'ara

⁹ Ma a aki ongotaeka kaain Iuta nakon te UEA. A ongo iroun Manate, ao a karaoi riki b'aai aika a kam'araa nakoia botannaomata ake E a tia te UEA ni kanakoia.

2.Uea 21:9 ပူးပေါင်းရင်းမြစ်များ

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

2.Uea 16:3

ao e buakaka riki arona nakoia uean Iteraera. E anga ae bon oin natina b'a te karea, are bon te m'akuri ae moan te kam'araa are a kakaraoia ngkoa botannaomata ake e kakionakoia nako te UEA mai Iteraera.

2.Uea 21:10

E taku te UEA n te bong teuana nakoia ana burabeti:

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 12:8

B'a te koraki aika buakaka, aika a aiwaa n aki akaaka a kamoamoaai taekani baika a bubuaka ake a karaoi aomata.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Taeka n Rabakau 29:12

E a tia ni uruia aroia ana mataniwi te tia tautaeka ae e ongongo n taiani kewe.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Etekiera 22:3

ao tuangiia te b'ai ae I taekinna: Ierutarem, kam a tia n tiringiia oin ami aomata ao kam a tia n taromauri taiani bouannanti. Kam na katuaaeaki n te tai ae e waekoa!

Etekiera 5:6

Ma a kakaitaraai kaain Ierutarem ao a rawa n ongotaeka irou. A katinanikuia au tua nako ao a tia n korakora riki aia bure nakoia botannaomata nako akana i rarikina.

Etekiera 5:7

Ma ngaia are, ko na tuangiia kaain Ierutarem ni kaangai: Bon te UEA Ngai ae te Atua! Kam a tia n rawa n ongotaeka nakon au Tua nako ma Au taeka n reirei nako, ma kam a manga ongotaeka nakon aia tua nako botannaomata akana i rarikim. Kam a tia n rangi ni kamangao riki nakoia! Bon te UEA Ngai ae te Atua! Kam a tia n rawa n ongotaeka nakon au tua nako ma au taeka n reirei, ma kam ongotaeka riki nakon aia tua botannaomata akana i rarikimi nako. Kam a tia n rangi ni kamangao riki nakoia!

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Otea 5:11

E korakora manatuan Iteraera. E bon reke nakoia te b'ai ae a tangiria ma i mwiin taromaurian taian bouananti aika akea manenaia.

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ioane 15:22

Ngke tao I aki roko n taetae nakoia, ao a na akea i rouia namakinani mwin aia bure; ma ngkai, ai bon akea aonaia i bukin aia bure.

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;

1.Tamuera 8:19

Ao a aki kan ongo aomata iroun Tamuera ao a kaangai, “Ti aki, b'a ti na katotongiia botannaomata ake tabeua.