2.Uea 21:7 - Te B'aib'ara

⁷ e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Uea 21:7 ပူးပေါင်းရင်းမြစ်များ

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

1.Uea 8:29

Bon aei te Tembora are Ko rineia b'a nnem n taromauriaki. Taiaoka tararuaia ni bong ao ni ngaina ao ongora ngkana I nakomai n tataro.

1.Uea 8:44

Ara UEA, n te tai teuana ao ane Ko na tuangiia am Aomata b'a a na buakaniia aia kairiribai. Ao ane a na rairaki nakon am Tembora ae I a tia ni karaoia i bukim n am Kaawa ae ko rineia, ao ane a na tataro nakoim.

1.Uea 9:3

Ao E taku te UEA: I ongo am tataro b'a te b'ai are ko butiai b'a N na karaoia. N na taromauriaki n taai nako n te Tembora ae ko karaoia aei. Bon Au b'ai, ao N na bon tarataraia n taai nako.

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 16:11

E irii baairean aroni katean te baonikarea Uria ni katea iai te baonikarea ae bon aekakin raoi are i Tamateko, ma ni katiaa raoi i m'aain okin Aati.

2.Uea 21:4

I nanon te Tembora ike E riai n taromauriaki iai ti te UEA, ao e katea naba iai taiani baonikarean i bukiia antiia beekan,

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

2.Uea 23:4

Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

2.Uea 23:6

E kaotinakoa te boua are e tabu i bukin taromaurian Nei Aatera te uea are Iotia man te Tembora ao e uotia nakon te M'arua are Kiteron, ike e a kabuokaki iai. E kamantinta mannangina ni karikia b'a te bubu ao e karenakoa i aon ruanimaten te botannaomata ikekei.

2.Rongorongo 33:15

E bon kanakoi naba taian bouannanti Manate ao taian atiibu ake bannan antiia ianena mai nanon te Tembora, ao e booti taian baonikarea ake e katei ngkoa i rarikin te Tembora ao ake ni m'akoron Ierutarem ake tabeua. E karenakoi baikai ni kabane i tinanikun te kaawa are e buubura.

2.Rongorongo 33:7

e kakawaria taan kaiwa i bukin buokana ao e anga natina te m'aane b'a a na karea n te M'arua are Innom. E bon karaoi naba taiani bure aika a rangi ni buakaka ake tabeua ao e rangi ni kauna te UEA. N ririki aika a nako, e a tia n tuanga Tawita ma Toromon te UEA: Ierutarem bon te tabo are I tangiria nakon taabo ni kabane i aon Iteraera. Bon au b'ai, ao n na taromauriaki i nanon te Tembora n aki toki.

2.Rongorongo 6:6

ao ngkai e a koro bukin te taeka ni berita anne.

2.Rongorongo 7:12

Tabeua te tai i mwiina, ao e a manga kaoti te UEA nakon Toromon n te mii ao e taku: I ongo am tataro, ao I a tia n rinea te Tembora aei b'a te tabo ike a na kabuokaki iai taian karea nako iu.

2.Rongorongo 7:16

i bukina b'a bon au b'ai, ao bon aei naba te tabo ae n na taromauriaki iai n aki toki. N na bon aki konaa n tannako ma iai.

2.Rongorongo 7:20

ao n na kanakoi ngkami man te aba ae I anganingkami aei. N na kiitana te Tembora are I a tia n taekinna b'a n taromauriaki iai, b'a a aonga n taku aomata n taabo nako b'a bon ti te manikangare ao a na b'ainingareia.

Neemia 1:9

Ma ko bon taku naba b'a e ngae ngkana ti a rangi n raroa nako ma ngkana ti tanrikaaki nakoim ma ni manga moana ongotaekara n am tua, Ko na kaokiira rikaaki nakon ara tabo are Ko a bon tia n rineia b'a Ko na taromauriaki iai.

Taian Areru 74:2

Ururinga am Bootaki n aomata, ae Ko rineia ngkoa i bukim, Ae Ko kainaomataia man te tautoronaki b'a a na riki b'a am Aomata. Ururinga te maunga are Tion, are nem ni maeka.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Ieremia 32:34

A a tia ni katei taian bouananti i nanon au Tembora, ao ngkai e a aki tau i bukin taromauriau.

Ieremia 7:30

Kam a tia n aki ongotaeka i Rou ngke kam karin taiani bouannanti aika a rangi n ribaaki i nanon au Tembora, ao ngkai e a rangi n ribaaki te Tembora i Rou.

Etekiera 23:38

Ao tiaki ti anne te b'ai ae a karaoia. A kabuakaka au Tembora ao a aki karinea te Taabati.

Te Tua-Kaua 16:21

Ngkana kam karaoa te baonikarea i bukin te karea nakon te UEA ae Atuami, ao kam na aki karaoi taian nikawewe ake b'ain taromaurian te anti are Nei Aatera.