2.Uea 21:16 - Te B'aib'ara

¹⁶ E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

2.Uea 21:16 ပူးပေါင်းရင်းမြစ်များ

2.Uea 21:11

E a tia te uea are Manate ni karaoi riki b'aai aika a kam'araa riki nakoia kaain Amora, ao e a tia ni karekeia au Aomata n te bure ngke e kairoroia b'a a na taromauria ana bouananti.

2.Uea 21:15

A tia ni karaoi b'aai aika I ribai au Aomata ao a bon teimatoa naba ni kamaraka nanou ni moa man te tai are a kiitana iai Aikubita aia bakatibu.

2.Uea 21:2

E aki ongotaeka Manate iroun te UEA ngke e katotongi katei aika buakaka ake kateia te botannaomata ake a kanakoaki iroun te UEA mai Iteraera.

2.Uea 21:7

e titirakiniia taani kaiwa arona ae e na karaoia ao e anga natina te m'aane b'a ana karea. E karaoi b'aai aika a rangi ni kam'araa, are e a rangi ni kauna iai te UEA. N ririki ake ngkoa ao E taku te UEA nakon Tawita ma natina te m'aane are Toromon I tangira riki Ierutarem nakon taabo ni bane i aon Iteraera. Bon Au b'ai, ao N na riai n taromauriaki iai n taai nako.

2.Uea 3:3

Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 19:4

A a toki kaain Iuta man taromauriau ao a karika te m'arua aei b'a te tabo i bukin taromaurian B'aara ao anti tabem'aang aika a bon tuai man buokiia ke ni buokiia aia bakatibu ke aia uea.

Ieremia 2:34

Kam tiringiia aomata aika akea aia bure n akea bukina raoi. Ao e ngae ngke a konaa n nooraki raraaia i aon ami kunnikai,

Ieremia 32:31

A a tia ni kaunai kaain te kaawa aei ni moa man te tai are e moan kateaki iai. I a tia ni baaireia b'a N nang urua

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Etekiera 22:2

Etekiera ae natin te aomata, ko tauraoi ni kabuakaka Ierutarem? E onrake te kawa arei irouia taan tiritiri, ma ngaia ae ko na kauringiia aomata n aia bure nako

Etekiera 22:4

A tia buure aikai ni karekeingkami n te bure, ao a tia taiani bouannanti ni karaoingkami b'a kam na aki tau i buku. Ma ngaia ae e a kaan katuaaeakimi are te kabane. Ane a na ngareakiningkami botannaomata ake tekorakina ao a na taetae ni kabuakakaingkami,

Etekiera 23:45

Ma n te bong teuana ane a na bukiniia aine aika uoman aikai n te tiritiri ao te aki kakaonimaki, i bukina ngke a bon reke n te bure.

Etekiera 9:9

Ao E kaeka te UEA ni kaangai, “A tia Iteraera ma Iuta ni karaoi b'aai aika a rangi ni kakamaaku. E a onrake abaia irouia taan tiriaomata, ao e a onrake Ierutarem n te tiritiri. A taku b'a I a tia ni kiitaniia, ao I aki konaa n noori b'aai ake a tia ni karaoi.”

Warekaia Iteraera 35:33

Bon te UEA Ngai ae I maeka i buakomi Iteraera, ma ngaia are, e riai ni kaawakinaki itiakin abami. B'a ngkana iai te tiritiri, ao e na b'aro te raraa n tanon te aba, ao e na kam'araea.

Mataio 27:6

Ao ibonga ake mataniwi a anai m'ane ake tirewa, ao a taku, “E aki riai i aan te tua b'a a na katukaki m'aane aikai n te um'antabu, i bukina ngkai m'aane aika booni maiun te aomata.”

Ruka 13:34

“Ngkami, aika kaain Ierutarem, aika kam aki toki ni kamateia burabeti ao kam karebanaia ake a kanakoaki nako imi! Ai m'aiti ra au kani boboti ngkami, n ai aron te moa aine, ngkana e botiia natina i aani baina, ma kam rawa!

Ebera 11:37

A karebanaki n atibu, a kaririaki, a korouaki n taao, a kamateaki n te kabaang, a tiotio nako ni kunnikaiia ni kunnikai aika karaoaki mani kuniia tiibu ma kooti. Akea aia b'ai, a kamarakaki, a b'ainikirinaki;