2.Uea 21:15 - Te B'aib'ara

¹⁵ A tia ni karaoi b'aai aika I ribai au Aomata ao a bon teimatoa naba ni kamaraka nanou ni moa man te tai are a kiitana iai Aikubita aia bakatibu.

2.Uea 21:15 ပူးပေါင်းရင်းမြစ်များ

2.Uea 21:14

Ao N na bon kamaunaiia naba au Aomata ake nikira ni maiu. A na konaaki ma ni iraeaki irouia aia kairiribai.

2.Uea 21:16

E bure Manate ngkai e karekeia kaain Iuta n te bure ao te aki ongotaeka nakon te UEA. E rawa naba ni kamaiuia aomata aika akea aia bure. A m'aiti aika bon akea aia bure ake e kariaia naba tiringakiia, ao e a on kawain nanon Ierutarem raraaia.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 25:7

Ma kam rawa n ongo irouia burabeti. Ma ngaia are Ngai ae te UEA ae I taekinna b'a kam a tia ni kamaraka nanou n taromauriia bouannanti, ao bon ngkami aika kam maraki n te b'ai are kam karaoia.

B'aeb'aeti 1:5

A tokanikai aia kairiribai, a tauia i aan m'aakaia. E bon karawawataia te UEA i bukin aia bure; A tia n uotakinako ana ataei b'a taenikain te buaka.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:21

Ma a bon kamangao naba naati nako iu. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. E a rangi ni maraki nanou ao I a baaireia b'a N na katuaaia i nanon te rereua.

Etekiera 20:30

Ao i mwiina, ko na titirakiniia Iteraera b'a e aera ngkai a katotoong aia m'akuri aia bakatibu aika a buakaka

Etekiera 20:4

Ko tangiria ni kauringiia, Etekiera? Ao kauringiia n aia bure aika a rangi n ribaaki ake a karaoi aia bakatibu.

Etekiera 23:3

Ngke a uarereke ngke a maeka i Aikubita, a riki b'a ainen mataawa.

Taniera 9:15

Te Atua ae te UEA, ko kaota m'aakam ngke Ko kaotinakoira mai Aikubita, ao e bon teimatoa n uringaki m'aakam. Ti a tia ni bure; ti a tia ni karaoa te kaairua.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.

Te Tua-Kaua 31:29

I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.

Te Tua-Kaua 9:21

Bon te bure ae kam karaoia ngke kam karaoa te bouananti, ma ngaia are, I karenakoi nakon te ai ni manga karanna. Ao i mwiina I anaa te koora, ao I kamantintia ni kabubua, ao I a karenakoa nako nanon te karaanga are raanga rikaaki man te maunga.