2.Uea 21:12 - Te B'aib'ara

¹² Ma ngaia ae ngkai, N nang kamaunaa Ierutarem ma Iuta Ngaia ae te UEA ae Atuan Iteraera. A na ongo rongorongona aomata ao a na aki kakoaua.

2.Uea 21:12 ပူးပေါင်းရင်းမြစ်များ

2.Uea 22:16

‘Iotia, boni Ngai te UEA ao N na bon nooria b'a e na maunanako te kaawa aei ma aomata ni kabane aika a maiu iai. E na koro bukin aei n aron are e koreaki n te boki aei.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Ieremia 19:3

Bon te UEA Ngai ae Moan te M'aaka, ae Atuan Iteraera, ao kam riai ni kakauongo raoi ngkami aika uean Iuta ma kaain Ierutarem. N na karokoa te kangaanga ae moan te korakora i aon te m'arua aei n te aro are a na tiaoki akana a ongo taekana.

Etekiera 7:5

Bon akea te aekaki ni kabuanib'ai ae e nang roko aei.

Taniera 9:12

Ko karaoi nakoira baike Ko taku b'a Ko na karaoi nakoira ma ara taan tautaeka. Ko kakorakoraa riki tuuan Ierutarem nakoni kaawa tabeua n te aonnaba aio,

Amota 3:2

“Bon ti ngkoe ae I a tia n rineiko man kawakiniko mai buakoia te botannaomata; ao bon anne bukina ngkai I bati ni karawawataingkami n ami bure mani katuaaingkami i bukiia botannaomata.”

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

1.Tamuera 3:11

Ao E taku te UEA: Tamuera, N nang karaoa te m'akuri teuana i aon i Iteraera ae a na bane n tiaoki iai aomata ngkana a ongo taekana!