2.Uea 20:8 - Te B'aib'ara

⁸ E titiraki Etekia nakon Itaia ni kaangai, Ko konaa n anganai te kakoaua b'a E na kamarurungai te UEA, b'a I aonga n i konaa n taromauriia i nanon ana Tembora i nanon tenibong?

2.Uea 20:8 ပူးပေါင်းရင်းမြစ်များ

Karikani B'aai 15:8

Ma e kaeka Aberam, “Te UEA ae Moan te M'aaka, N na kanga n ataia b'a ai bon abau?”

2.Uea 19:29

Etekia, N na tuangko te b'ai ae e nang riki. N te ririki aei ko na kang taian uita aika a riki bon irouia, ao n te ririki ae e na roko ko na manga kang b'aai aika a na bwebwerake mai mwiin uita aikai. Ma n te katenua n ririki, ko na uniki taiani uita ao taian kureebe, ao ko na kana ae ko bon taia.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

2.Uea 20:7

Ao e taku Itaia nakon ana toro te uea, Uoti mai tabeua taiani biiku aika a tia ni kamantaki ao katokai i aon manekan te uea. E a marurung.

2.Uea 20:9

Ao e kaeka Itaia ni kaangai, E na anganiko te kakoaua te UEA b'a E na boni kakoroa bukin ana Berita. E na waerake nuun bungintaai tebwiina te kainararake i aon te kaintam'arake ke e na keerikaaki tebwiina te kainararake?

Itaia 38:21

I tuanga ana tia m'akuri te uea are Etekia b'a e na kaaki tabeua taiani biiku aika a kamantaki i nanon manekan Etekia, ao ane e na marurung.

Itaia 38:22

Ao i mwiina, e a kakaaea te kakoaua Etekia b'a e na manga taromauri n ana Tembora te UEA.

Itaia 7:11

“Buubutiai kanikinaean ae e na bon koro bukin au berita. Buubuti b'a N na anganiko te kanikina mai nano n aia aonnaba maate ke i eta n taiani karawa.”

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Ruka 18:10

A waerake aomata aika uoman nakon te um'antabu b'a a na tataro iai; temanna te B'aritaio, ao temanna te tia anai taekiti.

Ruka 2:12

Ao aio te kanikina nako imi: ane kam na nora te merimeri ae niraki n te kunnikai ae te ninira, ae e wene i nanoni nneni kanaia maan n am'arake.”

Tani Motiki-taeka 6:17

Ao e taku Kiteon, “I bon aki konaa ni kakoauaa b'a I a taetae ma te UEA. Taiaoka, karaoa te b'ai teuana ae N na kakoauaa iai b'a te UEA ngkoe.