2.Uea 20:20 - Te B'aib'ara

²⁰ A tauaki rongorongon b'aai ni kabane ake e karaoi Etekia i nanon ana tai n uea n ikotaki ma arona ni karaoa te nei are i eta ao kawain te ran n rin nako Ierutarem, n te boki are Rongorongoia Uean Iuta.

2.Uea 20:20 ပူးပေါင်းရင်းမြစ်များ

1.Uea 14:19

A bane ni koreaki rongorongon b'aai ni kabane ake e karaoi Ieroboam ngke e uea, n reitaki naba ma taian bonibuaka ake e tokanikai iai n te boki are Rongorongoia uean Iteraera.

1.Uea 14:29

A bane n tauaki rongorongon b'aai ni kabane ake e karaoi te uea are Roboam i nanon ana tai ni uea n te boki ae Rongorongoia Uean Iuta.

1.Uea 15:23

A bane ni kaawakinaki rongorongon b'aai ni kabane ake e karaoi Ata i nanon ana tai ni uea, n reitaki ma tokanikaina n te buaka, ao kaawa ake e a manga karaoi n te boki are Rongorongoia Uean Iuta. E reke aorakin waena ngke e a kara.

1.Uea 15:7

A bane b'aai ni kabane ake e karaoi Abiiam n ana bongi ni maiu ni koreaki n te boki are Rongorongoia uean Iuta.

2.Uea 15:26

A tauaki mwiin b'aai ni kabane ake e karaoi Bikaia i nanon ana tai ni uea i nanon te boki are Rongorongoia Uean Iteraera.

2.Uea 15:6

A tauaki rongorongon b'aai ni kabane ake e karaoi Ataria i nanon ana tai ni uea n te boki are Rongorongoia Uean Iuta.

2.Uea 16:19

A tauaki rongorongon b'aai ni kabane ake e karaoi Aati i nanon ana tai ni uea n te boki are Rongorongoia Uean Iuta.

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 23:28

A tauaki rongorongon b'aai ni kabane ake e karaoi Iotia i nanon ana tai ni uea n te boki are Rongorongoia Uean Iuta.

2.Uea 8:23

A bane ni koreaki taekan b'aai ni kabane ake e karaoi Ieoram i nanon ana tai ni uea i nanon te boki are Rongorongoia Uean Iuta.

2.Rongorongo 32:24

Ni bon aekakin naba te tai aei, ao e a aoraki Etekia ao e a kuri ni mate. E tataro, ao te UEA e anganna te kanikina ae e na manga marurung.

2.Rongorongo 32:3

ao a karaoa aia babaaire ana mataniwi b'a a na kaina mwiin te ran nako tinanikun te kaawa are e buubura arei, b'a a aonga n akea nimaia te ran ngkana a roko ni buaka.

2.Rongorongo 32:30

Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

2.Rongorongo 32:32

A koreaki mwiin b'aai ni kabane ake e karaoi Etekia i nanon ana tai ni uea, n reitaki ma ana kakaonimaki nakon te UEA, n reitaki naba ma taian rongorongo ake e kaawakin Itaia are te burabeti. A koreaki b'aai aikai i nanon Rongorongoia Uean Iuta ao Iteraera.

2.Rongorongo 32:4

Ao a botiia taani m'akuri aika moan te bati taiani mataniwi aika a na katoka te koburake n ran arei ao taian raanga n ran ake i rarikin Ierutarem.

Neemia 2:14

N iteran te kaawa are e buubura are mai mainiku, ao I kaineta meang nakon te Mataroa are Koburaken Ran ao ana Nei n te Tebotebo te Uea, ma e a aki konaa n rin au aati b'a e a rangi n irariki te kawai.

Neemia 3:16

E tautaekana aonon te aba are Beta-Tura Neemia are natin Atibuka te m'aane, ao e a manga karaoa naba m'akoron te oo are i mwiina. E waaki nako te oo anne ni karokoa nnen ruanimateia uea, te nei are e karaoaki, ao taian auti ni maeka i bukiia tautia.