2.Uea 20:12 - Te B'aib'ara

¹² E a uea ngkai i aon B'aburon Merotaake Baratan, are natin Baratan te m'aane. Ao ngke e a ataia ae e a aoraki Etekia, ao e a kanakoa te tia uarongorongo ma te reta ao te b'aintangira nako ina.

2.Uea 20:12 ပူးပေါင်းရင်းမြစ်များ

Karikani B'aai 10:10

A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

Karikani B'aai 11:9

E aranaki te kaawa ae buubura arei b'a B'abera i bukina ngke E kaminoi aia taetae aomata ni kabane te UEA iai, ao maikanne are E a kauamaenakoia aomata i aon te aonnaba.

2.Tamuera 10:2

E taku Tawita, “E a tia n akoai Naati, ao ngai N na akoa natina te m'aane.” Ma ngaia are, kanakoia tabeman aobitia nakon te aba are Ammon b'a a na tuanga Anun ni kaota nanokaawakina ngkai e a mate tamana.

2.Tamuera 8:10

Ao a uoti naba ana b'aintangira Ioram aika a karaoaki n taian tirewa, koora ao taiani buraati.

2.Rongorongo 32:25

Ma e rangi ni kamoamoa Etekia ao e rawa ni kaaitaua te UEA i bukin b'aai ni kabane ake e a tia ni karaoia nako ina. Ao aio are e karika unin te UEA, ao e katuaaea Etekia ma kaain Iuta ma Ierutarem.

2.Rongorongo 32:31

E ngae ngke a kanakoia aia taan uarongorongo taan kairiiri mai B'aburon b'a a na titirakina Etekia ana kanikina te UEA are e anganna, ao te Atua, e kariaia Etekia b'a e na anga are bon ana reke b'a e na tuoa ao n noora ana kakaonimaki.

Itaia 13:1

Aio te rongorongo ae I anga i bukin B'aburon:

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.