2.Uea 20:1 - Te B'aib'ara

¹ N te tai aei, ao e a aoraki Etekia ao e a kaani mate. Ao e roko Itaia ni kawaria ao e taku nako ina, E taku te UEA b'a e na aki reke marurungim. Ko nangi mate, ma ngaia are, ko a riai ni waakina karaoani b'aai aika a riai ni katiaaki.

2.Uea 20:1 ပူးပေါင်းရင်းမြစ်များ

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Uea 1:16

Ao ngke e roko Eria ao e tuanga Aatia ni kaangai, “E kan ataia te UEA b'a bukin tera ngkai ko kanakoia am taan uarongorongo nako Ekiron b'a e na titirakina atuaia are Beretebub'a i bukin ikoakim. Ko aki kakoauaa ae iai te Atua i aon Iteraera? Aatia, ngkai ko kanakoia am taani uarongorongo akanne, ao e taku te Atua b'a e na aki reke marurungim. Ko nangi mate”.

2.Uea 1:4

Ko na tuangnga b'a ngkai e a tia ni karaoa aei, ao e nang reitinako wenena i aoni nnena ni matu ni karokoa matena! Ao e karaoi b'aai ake e tuangaki Eria.

2.Uea 19:2

E tuanga te mataniwi n te bareti are Eriakim, ana kauoman are Tebena, ao mataniwiia ibonga b'a a na kunnikaiia ni kunnikai aika a mangaingai ao e tuanga te burabeti are Itaia ni kaangai:

2.Uea 19:20

Ao e nako Itaia ni kawara Etekia ma n tuangnga te b'ai are E taekinna te UEA ae Atuan Iteraera: Etekia I ongo am tataro i bukin Tennakeriba are uean Aturia.

2.Uea 20:2

Ao e rairaki Etekia nakon te o ao e tataro ni kaangai,

Te Tua-Kaua 31:14

Ao E taku te UEA nakon Moote, Ko na waekoa ni mate. Ma ngaia are, kairaamai Iotua nakon te Um'antabunrianna, b'a N na rineia b'a te tia kairiiri i aoia Iteraera. Ao a nako n rin Moote ma Iotua n te Um'antabunrianna,

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

I-Biribi 2:27

B'a e bon aoraki, ao e kuri ni mate; ma E nanoangaia te Atua, ao tiaki ti ngaia, ma E nanoangaai naba b'a e kaawa n reke i rou te nanokawaki ae moan te bati.

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.