2.Uea 2:24 - Te B'aib'ara

²⁴ Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

2.Uea 2:24 ပူးပေါင်းရင်းမြစ်များ

Karikani B'aai 9:25

ao e taku, “E na tekebuaka Kanaan! E na riki b'a ana toro tarina.

2.Tamuera 17:8

I ataia b'a bon taani buaka raoi am koraki ni m'aane. Ti te bo ngkai ngaiia ma te tina ni bea ae e a tia n tiringaki natina. I rarikin anne, e bon rangi ni m'aiti taiani buaka aika e a tia n irii, ao ane e na bon aki konaa ni katairaa ma tabem'aang.

1.Uea 13:24

ao e a m'ananga nako te burabeti are mai Iuta. Ao ngke e tabe ni m'ananga ao e a kaitibo ma te raian ao e a tiringaki iroun te raian, ao a tei i rarikin rab'atana te raian ma te aati ngke e a mate.

1.Uea 19:17

Ataera are e na moana tiringaia ake a taromauria B'aara. Ao Ieu e na tiringiia koraki akana a birinako mairoun Ataera, ao Eritai e na tiringiia akana a birinako mairoun Ieu.

1.Uea 20:36

ao e taku te burabeti nakoina, “Ko aki ongotaeka nakon te UEA. Ma ngaia ae, e na kaniko te raian ngkana ko m'ananga nako.” Ao e m'ananga nako raoraona arei, ao e karina n roko te raian n tiringnga.

2.Uea 2:25

E tam'arakea te Maunga are Karemera, ao i mwiina e okira Taamaria.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Taeka n Rabakau 17:12

E aki kamaamate riki iraeakin natin te bea nakon te nanobaba ae e taningabono.

Taeka n Rabakau 19:29

A bane taian nanobaba n tataningaa katuaaeaia.

Taeka n Rabakau 28:15

Ti te bo ma te raian ae e bekorara ke te bea ae e karana kanana, te tia tautaeka ae e aki karaoa ae e aki riai nakon ane e maiu ni kainano.

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

B'aeb'aeti 3:65

Kamaraiaia ao karawaawataia.

Otea 13:8

ao n na raebitingkami kaanga te bea aine ae e iraeaki natina, n na kakerui riimi b'a kaanga aongkoa Ngai te raian ke maan ake a aki manana ake tabeua.

Nakoaia Ibonga 26:22

N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Mareko 11:14

Ao E taku Iesu nakon te kai arei, “Akea te aomata ae na manga kana uaam ma ngkai ao nakon taai rimwi.” A ongo b'anaana ana reirei.

Mareko 11:21

E oki ana ururing Betero, ao e taku nakon Iesu, “Te Tia Reirei, te kai are te biku are Ko taetae ni kamaraiaa, e a mate!”

M'akuri 5:5

Ngke e ongo taeka aikai Anania, ao e b'aka b'a e mate; ao a taonaki n te maku ae korakora aomata ake a ongo taekan te baei.

M'akuri 5:9

E taku ngkanne Betero nakoina, “E aera ngkai e bo nanom ma buum b'a kam na kataa Tamnein te UEA? Noria, a tei ngkai i matan te mataroa rorobuaka ake a tia n tauna buum, ao ane a na manga uotiko nako naba!”

M'akuri 8:20

Ma e taku Betero nakoina, “E na mauna ma n akea bonganan am m'ane, ao ai arom naba, ngkai ko taku n am iango b'a e konaaki ni karekeaki ana b'ai n tituaraoi te Atua n te m'ane!

2.I-Korinto 10:6

ao ti tauraoi ni karekea kain te aki ongeaba ni kabane, ngkana e a roko raoi aromi n ongeaba.

Tani Motiki-taeka 9:20

Ma ngkana e aki riai are a tia ni karaoaki nakon Kiteon ma ana utu, ao I tataro b'a e na tiringingkami Abimereka n te ai, ao ngkami kam na karaoa naba anne nakoina.

Tani Motiki-taeka 9:57

Ao E katuaaia naba kaain Tekem i bukina ngke a boutokaa Abimereka. A bane ni koro bukin ana taeka ni kamaraia Iotam.