2.Uea 2:23 - Te B'aib'ara

²³ E kiitana ikekei Eritai, ao e m'angana nako Betaera. Ao ngke e tabe n nakonako ao a takaarua tabeman ataei ni maanee ni b'ainikirinna ao a taku, “Naako mai ikai te mara n atu. Kiitana ikai!”

2.Uea 2:23 ပူးပေါင်းရင်းမြစ်များ

Karikani B'aai 21:9

Ao n te bong teuana ao Itimaera are natin Aberaam ma Nei Aka are kaain Aikubita, e takakaro ma natin Nei Taara are arana Itaaka.

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

2.Uea 2:2

Ao e taku Eria nakon Eritai, E tangirai te UEA b'a N na nako Betaera, ma ko riai n tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kikitaniko, e aoria ngkana tao tera ae e na riki. Ma ngaia are, e a airi ma Eria nako Betaera.

2.Uea 2:22

E teimatoa n raoiroi te ran arei man te tai arei n aron ana taeka Eritai.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Iobi 19:18

A b'ainingareai taian ataei, ao a ngareakinai ngkana a noorai.

Iobi 30:1

Ma a b'ainingareai m'aane aika a uarereke riki nako Iu! A teimatoa ngkoa tamaia n akea bonganaia n te aro are I aki kona ni kariaia b'a a na raoniia au kamea ni kaawakiniia tiibu.

Taian Areru 31:17

Te UEA, I weteiko; N na aki b'ainrang iroum. Kab'ainrangiia akana buakaka, ao kanakoia nako Tiore n aki karongoa.

Taian Areru 31:18

Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

Taian Areru 35:15

Ma ngke I a reke n te kaangaanga, Ao a bane ni kukurei, ao a bootaki ni b'ainingareai; a oreai ake I aki kinaia, ao akea tokin aia oro.

Taeka n Rabakau 20:11

A kaotaki aroia naati ni b'aai aika a raoiroi ke aika a buakaka ake a karaoi.

Taeka n Rabakau 22:15

A bane n nanobaba naati ma e na kawanawanaia kaetakiia ae e matoa.

Taeka n Rabakau 22:6

Reireiniia natim ae e raoiroi, ao ane a na teimatoa n kaakaraoa ae e raoiroi ngkana a ikawai.

Te Minita 11:10

Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.

Itaia 1:4

Iteraera, bon te botannaomata ngkoe ae ko buubure, ao ko onrake n te kaairua. Ko rangi ni buakaka, ao ko kam'araa ao ko a tia n tannako mai roun te UEA, ae Atuaia Iteraera ae te Atua ae tabu.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Ieremia 20:8

Ko a tia n kariaia b'a n na ti katanoataa te urub'ai ma te mate. Bon akea te b'ai ae e anganai am rongorongo b'a ti taetae n aki akaaka ao taiani kangaanga.

Ieremia 7:18

A rikoi aia ataei, ao a kauraa te ai tamaia, ao tinaia a kabooboa te buraawa b'a a na kariki i bukin antiia te aine are a aranna b'a ueanainen Karawa. A bon anga naba te wain nako ia anti tabem'aang, b'a I aonga ni matauninga.

Otea 10:15

Betaera, bon aei tokim i bukina b'a ko buakaka. Iteraera, e na tiringaki am uea n te kaarangaina.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Nakoaia Ibonga 13:40

Ngkana e mm'aa iran te aomata mai bukin atuuna ke moan atuuna,

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 4:4

E taku te UEA ae moan te rietaata, “Ngkami aika aomatan Iteraera, kam na nako Betaera ae ana kaawa te Atua ae e tabu, ao karaoi m'akuri aika a bure iai ngkana kam kona! Naako Kirekara ao kabatiai riki ami bure! Naako uotimai ami man b'a kam na anga karea ni katoa ingabong, ao uotimai naba ami kabwianib'ai b'a a rikoaki ni katoa te katenua ni bong

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 7:13

Tai manga taetae ni burabeti i Betaera, b'a aio a na kaawa n taromauri te uea, are e mena iai te tembora.”

I-Karatia 4:29

Ma n aron are ngkekei, ngke e b'ainikirinaki teuare bungiaki n aron nanon te Tamnei iroun teuare bungiaki n aron bungiakiia aomata, ao ai bon arona naba ngkai.

Ebera 11:36

A kataaki tem'angina ni kakanikoaia ao ni kataereaia, ao tem'angina ni kabaeaia n taurekereke ao ni kainakiia n te karabuuti.