2.Uea 2:19 - Te B'aib'ara

¹⁹ Ao n te bong teuana, ao a taku aomata, “Eritai, nooria, moan te raoiroi nnen te kaawa aei, ma e rangi ni buakaka te ran are ti karerekea man ara koburake n ran n te aro are a aki rangi ni maiu raoi iai arokara.”

2.Uea 2:19 ပူးပေါင်းရင်းမြစ်များ

1.Uea 16:34

Ao e a manga karaoa te kaawa are Ieriko temanna te m'aane ae arana Iera ngke e uea Aaba. Ma ngke e kawenea aan te kaawa Iera, ao e mate natina te m'aane ae a na karimoa are Abiram. Ao ngke e a tia mataroan te kaawa, ao e a manga mate ana bina te m'aane are Tekuba. E riki n aron are E taekinna te UEA nakon Iotua i nanon ririki aika a b'aka nako.

1.Uea 18:13

Boni ngai naba are I karabaia tebubua ana burabeti te UEA n te nangananga ni b'a ngke e kataia Nei Ietebera n tiringiia. I bon anganganiia naba kanaia ma nimaia.

1.Uea 18:7

Ao ngke e tabe ni waaki nako Ob'aria i aon kawaina, ao e kaaitibo ma Eria. Ao e kinaa Eria ma ngaia are, e bobaraaki nakon Eria ao e taku nakoina, “Eria, bon ngkoe anne?”

2.Uea 2:18

Ao a okira Ieriko ao e taku Eritai, I bon tuangngkami ngkoa b'a e na bon aki reke iroumi.

2.Uea 2:20

Ao e taku nakoia, Uotaamai te boora n taoro. Ao a uota te boora n taoro nako ina.

Te Otinako 15:23

Ao i mwiina, a roko n te tabo ae aranaki b'a Maara, ma e a manga rangi n tarika te ran ikekei n te aro are a aki kona ni mooi iai. Ao bon anne bukina are e aranaki iai b'a Maara.

Te Otinako 23:26

A na kariki buumi ni bungiia natiia aika a marurung, ao a na bane n anaanau maiuia aomata ni kabane.

Te Otinako 7:19

Ao e tuanga Aaron Moote b'a e na taua okona i aon te ran. Ao ngke e karaoa arei, ao e a bane naba ni bitaki ranin Aikubita ni kabane nakon te raraa, n reitaki ma taian karaanga ni kabane, taiani kanare, taian nei, ao taian ran naba ake i nanon taiani b'aketi ma taian tiaeki.

Otea 9:14

Ara UEA, karaoa te b'ai teuana i bukiia am aomata karaoia aia aine b'a a na aki konaa ni karikiia natiia ke ni kaawakiniia natiia.

Warekaia Iteraera 12:11

ao e taku nakoni Moote, “Teuae ko karineaki, taiaoka, ko na aki katuaaira n ara m'akuri n nanobaba aikai.

Te Tua-Kaua 28:11

E na anganingkami natimi aika m'aiti te UEA, ao kam na kakoauaa b'a a na bungiia natiia aika m'aiti ami man aika kawakawa. E berita ngkoa te UEA nakoia ami bakatibu b'a bon ami b'ai te aba aei, ao E na karikia b'a te aba ae korakora am'araken aona i bukimi.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

Iotua 6:17

A na bane ni kamaunaaki b'aina ni kabane aika i nanona, b'a taian karea nakon te UEA, ma bon ti te kabekaau are nei Raaba ae e na kamaiuaki ma kaain ana auti ni kabane i bukina ngke e karabaia ara taan tutuo ni karaba.

Iotua 6:26

Ao e anga ana taeka ni bau Iotua ae kaangai, “E na kamaraiaa te aomata te UEA ane e a manga kataia ni katea Ieriko. E na mate ana karimoa ae te m'aane te aomata ane e a manga kataia ni kawenea aan te kaawa aei; ao e na bua ana bina te aomata ane e karaoa te mataroa.”