2.Uea 19:6 - Te B'aib'ara

⁶ ao e tuangiia Ana rongorongo te UEA aikai nakon Etekia: Bon te UEA ngai. Kam na aki kakiriwei nanomi n taian taeka ni kakaewenako ibuku mairoun ana tia uarongorongo uean Aturia.

2.Uea 19:6 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 18:30

Kam na aki onimakinna ngkana e tuangngkami b'a aongkoa E na kaawakiningkami te UEA mairoun uean Aturia.

2.Uea 18:35

Bon akea mai buakoia anti aikai ae e konaa ni kaawakiniia ana aomata mairoun uean Aturia. E nang konaa riki te UEA ae Atuami ni kamaiungkami?’ ”

2.Uea 19:22

Tennakeriba, ko taetae ni karereanti, ko takaarua, ao ko b'ainingareai, Ngai ae Atuan Iteraera ae e Tabu

2.Uea 19:5

Ngke a m'ananga nakon Itaia taani kairiiri aikai,

2.Uea 6:16

Ao e taku Eritai, “Tai maaku. A m'aiti riki taanga ni buaka aika iroura ni kabotauaki ma ake irouia.”

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Taian Areru 74:18

Ma Ko na uringnga, te Atua, b'a a ngareakiniko am Kairiribai, Ao akea onimakinam ma karineam irouia.

Taian Areru 74:23

Tai m'aninga taekani b'anaaia n takaarua n un aiam, Are karongoaaia ae e aki tootoki bukina.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

Itaia 10:24

E taku ngkai te UEA ae te Atua ae Moan te M'aaka nakoia ana Aomata i Ierutarem: A oroingkami kaain Aturia n taiani kai ma ni kabuakakaingkami, n aron are a karaoia kaain Aikubita. Ma kam na aki maakuia.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Ieremia 42:9

ao I tuangiia te b'ai are E taekinna te UEA ae Atuaia Iteraera ae e kaangai: Kam buubutia Ieremia ao e reke iroumi te b'ai ae kam riai ni karaoia.

B'aeb'aeti 3:57

ao Ko roko n te tai are I tangira buokau iai. Ko kaangai nako iu, “Tai raraoma!”

Nakoaia Ibonga 26:8

e aoria ngkana tii niiman ngkami ao tebubua ngaiia, ke tao tebubua ngkami ao ngaiia tebwina tengaa m'aitiia.

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Iotua 11:6

E taku te UEA nakon Iotua, “Tai maakuia, b'a N nang tiringiia nakon te ingabong i bukiia aomatan Iteraera. Kam na kaikoaki aia aoti ni kam'aukuia, ao kabuoki aia kaa ni buaka.”

Te Kaotioti 13:6

Ao e moana taetaebuakaan te Atua, n taetaebuaka arana ma ana um'anrianna, ma ake a maeka i karawa.