2.Uea 19:37 - Te B'aib'ara

³⁷ N te tai teuana e taromauri n ana tembora antina are Nitiroka, ao e a tiringaki irouia natina m'aane ake Aterammereka ao Tiaretera n aia kabaang. A biri nakon te aba are Ararata, ao e uea i mwiina natina te m'aane are Etaraaton.

2.Uea 19:37 ပူးပေါင်းရင်းမြစ်များ

Karikani B'aai 8:4

Ao ni katebwi ma itiuan bongin te nam'akaina, ao e a koro te kaibuke i aon taubukin taiani maunga ake i Ararata.

2.Uea 17:31

ao ake mai Awa, a karaoa te anti are Nibeati ma Taretaka, ao kaain Tebarawaim, a kareani natiia nakon oin antiia ake Aterammereka, ao Anammereka.

2.Uea 18:30

Kam na aki onimakinna ngkana e tuangngkami b'a aongkoa E na kaawakiningkami te UEA mairoun uean Aturia.

2.Uea 18:5

E onimakina te UEA ae Atuan Iteraera Etekia. Bon akea uean Iuta ae ai arona ma i m'aaina, ao i mwiina naba.

2.Uea 19:10

Ko na aki onimakina Atuam ke ni kaburababaaki n ana taeka are aongkoa E na kaawakina Ierutarem mairou.

2.Uea 19:17

E boni koaua ara UEA b'a a tia uean Aturia n karikii taian botannaomata b'a taian rereua.

2.Uea 19:31

Bon te UEA Ngai ae Moan te M'aaka ae N na bon nooria ni kakoauaa b'a a na maiu koraki ake nikira ni maiu i aon Ierutarem.

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

2.Rongorongo 32:14

Bon akea mai buakoia anti aikai a kamaiuia aia aomata mairoun uean Aturia. Ao ngkami, kam taku b'a e konaa Atuami ni kamaiungkami?

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

2.Rongorongo 32:21

ao E kanakoa te anera are e tiringiia tautia ma mataniwiin ana taanga ni buaka Aturia ni kabane ake n aia kaemb'a. Ao e okirikaaki Tennakeriba nako Aturia, ao e rangi ni b'ainrang. Ao n te bong teuana e nako n rin n ana Tembora antina ao e a tiringaki naba iai irouia natina m'aane tabeman.

Etira 4:2

Ma ngaia are, a manga nakon Terub'abera ao nakoia taani kairiiri man taian utu ao a taku, “Ti na buoka te m'akuri. E a tia uean Aturia are Etaaton ni kairiira nako ikai, ao ti a tia n taromauriia Atuami ma n anganna taiani karea.”

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.