2.Uea 19:35 - Te B'aib'ara

³⁵ E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Uea 19:35 ပူးပေါင်းရင်းမြစ်များ

2.Tamuera 24:16

Ao i m'aain tokina, a tia ni mate itibwi te ngaa aomata. Ao ngke kaanga e nang urua Ierutarem te anera, E a manga uringa nanona te UEA i bukin te karawaawata are E a tia ni karokoa ao E taku nakon te anera, “E a bati n tau anne! Tai katoka baim i aoia.” E riki te b'ai aei n te tabo ni kaaki kunni uita are ana b'ai Arauna are kaain Iebuti.

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

1.Rongorongo 21:12

E na roko tenua te ririki ae e na akea iai te am'arake i bukiia ana aomata? Ke e na kookonaaki Iteraera irouia ana kairiribai i nanon tenua te nam'akaina? Ke E na karokoa te aoraki ae moan te kamaamate te UEA n orea iai te aba i nanon tenua te bong? Ko na iangoi baikai ao baairea, b'a n na manga angan te UEA are e kanakomaiai i bukin am kaeka.

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

2.Rongorongo 20:24

Ao ngke a roko ana taanga ni buaka Iuta n te taua are e kaaitaraa te rereua, ao a nooria b'a a bane ni wene ni mate i aon te tano tautian aia taanga ni buaka aia kairiribai.

Taian Areru 76:10

Ko karikiia aomata aika unun b'a a na kabatia riki kamoamoaam; ao naake a kamaiuaki n te buaka ana kateimatoa am toa.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Taian Areru 91:6

Ke anti aika buakaka aika aiwaa n te bong ma te ngaina n iowawa ma n tiritiri.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Te Otinako 9:15

Ma ngkana I tia n tabeka baiu n oroiko ma am aomata n te aoraki, ao ko na kaman mauna nako.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 10:33

Ma e na kabonganaa korakorana ae e kakamaaku te UEA ae Moan te M'aaka ni kab'akai taian aroka aika a rangi n rietaata mani koroi m'aanga ni kabane.

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Otea 1:7

Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.