2.Uea 19:23 - Te B'aib'ara

²³ Ko kariaia am mataniwi b'a a na kakaewenakoai, Ngai ae te UEA. Ao aei te b'ai ae ko a tia n taekinna bon i bukim, “I kairiia au kaanibuaka nakon kabanean rietaatani maungan Reb'anon. I rinnakoa kabin buakonikaina, ma ni koroi ni kab'akai tiira ake kabanea n tamaroa, ao kaai aika m'aiango.

2.Uea 19:23 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 18:23

“E tangiria uean Aturia ni karaoa te katuaa ma aomata. E na anganingkami 2,000 taian aoti ngkana kam konaa ni katoai aon tenaan aoti n toka i aoia.

2.Uea 19:4

Taiaoka tataro i bukira ngaira aika nikira ni maiu. E kanakoa ana taanga ni buaka uean Aturia b'a e na kakaewenakoa te Atua ae e maiu. E na mena ngkoa ao E ongo te UEA te b'ai ae e taekinna ao E na karaoa te b'ai teuana, ngkana ko tataro.

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

2.Rongorongo 32:17

Ao e bon b'ainingarea naba te UEA te uea are Tennakeriba ao e taku, “Bon akea mai buakoia antin te botannaomata ake te korakina ae e konaa ni kamaiuia aia aomata mairouia ana taanga ni buaka Aturia, ao e bon aki konaa naba te Atua ae e taataromauriia Etekia.”

Taian Areru 20:7

Tem'angina a onimakin aia kaanibuaka, ao tem'angina aia aoti, ma ngaira, ti onimakina m'aakan te UEA ae Atuara.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Itaia 10:13

ake a kaangai: I karaoi b'aai aikai ni bon oin m'aakau i bukina b'a I wanawana ao I rabakau. I buakaniia uea kaanga te kao ae e aki manana, ao I anai kaub'aia botannaomata nako.

Itaia 10:14

I a tia ni kataenikaia te aonnaba ae e b'anin! E rangi ni beebete anaakin te bunimoa n te ngao ae akea ae e teiakinna. Akea ae e na uboi baina ni kiba ke ni katanga te bu ni katounakoai.

Itaia 10:18

E na karaoai am buakonikai aika a tamaroa ao am tawaana aika a maiu reirei te UEA b'a a na karaurau ni mka nako.

Taniera 8:11

Ao bon akea naba karinean mataniwiin te taanga ni buaka mai karawa i rouna, e katoka te angakarea are e katoa bong nakon te Atua, ao e uruaka te Tembora.