2.Uea 19:17 - Te B'aib'ara

¹⁷ E boni koaua ara UEA b'a a tia uean Aturia n karikii taian botannaomata b'a taian rereua.

2.Uea 19:17 ပူးပေါင်းရင်းမြစ်များ

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 18:33

‘Bon iai te anti ae e konaa n taua abana mairoun uean Aturia?

2.Uea 19:16

Ma Ko na tii taraa ana m'akuri Tennakeriba ni kakaewenakoko, ngkoe ae te Atua ae Ko maiu.

2.Uea 19:18

A urui taiani bouananti ake taiani kai ao taian atiibu ake a karaoi aomatan taian botannaomata aikai man taromaurii.

2.Uea 19:37

N te tai teuana e taromauri n ana tembora antina are Nitiroka, ao e a tiringaki irouia natina m'aane ake Aterammereka ao Tiaretera n aia kabaang. A biri nakon te aba are Ararata, ao e uea i mwiina natina te m'aane are Etaraaton.

2.Uea 9:8

A riai ni bane ni mate m'anen ma ataei ni maaneen ana utu Aaba, e aoria ngkana te toro ke te inaomata.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

Iobi 9:2

Eng, I a kaman ongo b'aai ni kabane akanne mai m'aaina. Ma e na kanga n tokanikai te aomata ngkana e kaitaraa ma te Atua?

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Ruka 22:59

Ao tao teuana te aoa i mwina, ao e kamatoa b'anaana te aomata temanna ni kangai, “Bon te koaua b'a te aomata aei e memena iroun Teuarei; b'a te I-Kariraia!”

M'akuri 4:27

B'a e boni koaua b'a a botaki n te kaawa aei, Erote ma Bontio Birato, ma aomata aika tiaki I-Iutaia, ma aomata aika Iteraera n te kaawa aei, n eekaanako Natim are Raoiroi, are Iesu, are Ko a tia ni kabiria.

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”