2.Uea 19:15 - Te B'aib'ara

¹⁵ Ao e tataro: Te UEA ae Atuan Iteraera, e mena am kaintokanuea i aoia b'aai aika a maiu aika iai baiia ni kiba. Ko karaoa karawa ma aonnaba, ao bon ti ngkoe ae Ko tautaekani abanuean te aonnaba aei.

2.Uea 19:15 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Karikani B'aai 2:4

Ao anne aron karikan karawa ma aonnaba.

Karikani B'aai 32:28

E taku teuarei, “Ko na aki manga aranaki b'a Iakob'a. Ko a tia ni kaunrab'ata ma te Atua ao taiani mm'aane, ao ko tokanikai; ma ngaia are, ko na aranaki b'a Iteraera.”

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

1.Uea 8:23

ao e tataro ni kaangai: Te UEA ae Atuan Iteraera, bon akea atuani karawa ke aonnaba ae ai arom. Ko aki konaa ni m'aninga am Berita are Ko a tia ni karaoia ma am Aomata, ao ko kakaonimaki nakoia ni kabane aika a kakaonimaki nakon am Reirei nako.

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

2.Uea 5:15

Ao e okirikaaki Naaman ma ana mataniwi nakon Eritai. E tei Naaman i matan Eritai, ao e katanoata ni kaangai, “I a bon ataia ngkai b'a bon ti te Atua n te aonnaba aei Atuaia Iteraera. Teuae ko karineaki! taiaoka butim'aea au b'aintangira aei.”

1.Rongorongo 13:6

Ao i mwiina, e kairiia nako B'aara i Iuta, are e aranaki naba b'a Kiriata-Iearim. Ao a nako ikekei n anaa te Atiniberita mani uotia nako Ierutarem, i bukina b'a bon Ana b'ai te UEA ae te Atua, are e mena ana kaintokanuea i aoia b'aai aika a maiu aika iai baiia ni kiba i aoni matan te ati.

1.Rongorongo 4:10

E tataro n te tai teuana nakon Atuan Iteraera ni kaangai, “Taiaoka kakab'aiaai ao anganai abau aika a m'aiti. Ko na aki kikiitanai b'a I aonga n aki reke n te kabuanib'ai.” Ao E karaoi b'aai ake e a tia ni bubuti iai Iabeti te Atua.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

2.Rongorongo 32:20

Ao a bubutiia te UEA Etekia ao te burabeti are Itaia are natin Amoti buokaia,

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 102:26

A na bane ni mauna, ma Ko teimatoa; ane a na mangaingai kanga te kunnikai. Ko onikia kanga ai aron te kunnikai, ao ane a na bane n akea rab'ataia.

Taian Areru 146:6

Ae karaoa karawa ma aonnaba ma marawa ma b'aai ni kabane akana mena iai. E korakora onimakinana.

Taian Areru 33:9

B'a E taetae, ao e riki aonnaba; E tua, ao a riki b'aai.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taian Areru 80:2

kaotiko nakon te baronga ae Eberaim ma te baronga ae Beniamin ma te baronga ae Manate; Kaota korakoram nakoira; nako mai ao kamaiura!

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Te Otinako 25:22

N na kaitibo ma ngkami ikekei i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

Itaia 37:14

Ngke e tia Etekia ni wareka te rongorongo mai roun uean Aturia, ao e uotia nakon te Tembora ao e taakinna b'a E na nooria te UEA.

Itaia 41:17

Ngkana a mate n taka ma n aki konaa ni kakaaea te ran aika a maiu ni kainano ao aika a tangira buokaia, Ao N na roko ae Atuan Iteraera ni buokiia. N na bon aki m'aninga taekaia.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ieremia 32:17

Te UEA ae te Atua, Ko arora naako baim ao Ko karaoa karawa ao te aonnaba. Ko konaa ni karaoi b'aai ni kabane.

1.Tamuera 4:4

Ao a kanakoaki tautia tabeman b'a a na anaa te Atiniberita i Tiro, i bukina b'a iai Ana kaintokanuea te UEA i aon baiia baike a maiu i aon taubukin te Atiniberita. Ao ngke a roko natin Eri m'aane ake uoman ake Obeni ma Bineati,