2.Uea 18:7 - Te B'aib'ara

⁷ E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

2.Uea 18:7 ပူးပေါင်းရင်းမြစ်များ

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

2.Uea 16:7

E kanakoa ana rongorongo Aati nakon uean Aturia are Tikerata Biretia ae e kaangai, “Te uea ae ko karineaki. I a buakanaki ngai ae am toro ae e kakaonimaki iroun te uea are Retin ao te uea are Bika. Taiaoka. Nakomai kamaiuai.”

2.Uea 17:3

E buakana Iteraera uean Aturia are Tiaremanetera; e taua taekan te aba, ao e tuanga Otea b'a e na kab'ab'akai taian roonrab'ata.

2.Uea 18:14

E kanakoa ana rongorongo Etekia nakon Tennakeriba, are e mena n te kaawa are Rakiti: I ataia b'a I boni bure ngke I kakaaitarako. Ma N na kabooi mwiin b'aai ni kabane n aron ane ko tangiria, ngkana ko katoka buakanakira. Ao Tennakeriba e tuanga Etekia b'a e na kab'aka nako ina 11 te tan te koora.

2.Uea 18:20

E taku b'a e konaa ni baairea kawaina ni buaka ao e a tokanikai naba ti n te taetae? Antai ane e na konaa ni buokia, ngkai e a manga kakaitaraa uean Aturia?

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

2.Rongorongo 31:21

Bon te uea ae e tetekeraoi, i bukina b'a e ongotaeka iroun te UEA ae te Atua ma nanona ni kabane.

2.Rongorongo 32:30

Bon Etekia are e karaoa te kanare are e na konaa ni karokoa te ran nakon te kaawa ae buubura are Ierutarem man te koburake n ran are Kion. Ni koauana, ao b'aai ni kabane ake e karaoi a bane n nakoraoi!

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 60:12

Ti na tokanikai ngkana E raoniira te Atua; E na katae aia kai aiara.

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Itaia 36:5

N a na iango e konaa ni baairea aron te buaka ma n tokanikai ti n taian taeka? Antai ane e na buokia, ngkai e a manga kakaitaraa uean Aturia?

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 18:5

Ao e kokoro bukin b'aai ni kabane ake e kanakoaki b'a e na karaoi i roun Tauro, ma ngaia are, e karikia Tauro b'a te aobitia ae rietaata n te taanga ni buaka. Ao a bane ni kukurei aomata ni kabane, n reitaki ma ana aobitia Tauro ake tekorakina.