2.Uea 18:4 - Te B'aib'ara

⁴ E urui taiani baangota, ao i mwiina, e kamaaei bannaia anti ianena, ao e korouaa te boua ae tabu are b'ain taromaurian Nei Aatera. E urubekea naba te naeta te buraati are e karaoia ngkoa Moote. A aranna aomata b'a Neutitan ao a tia n angaanga karea nako ina.

2.Uea 18:4 ပူးပေါင်းရင်းမြစ်များ

1.Uea 22:43

Ao e ongo taeka Iotiab'ata iroun te UEA, n aron are e karaoia naba tamana are Ata, ao e aki roko n te buaka ma Iteraera i nanon ana tai ni uea. Ao e kanakoia taian aine ni mataawa ni kabane man bangotan aon te aba, ma e aki urua te bangota, ao a bon tiku b'a taabo n angakarea. Ao a tauaki mwiin b'aai ni kabane ake e karaoi Iotiab'ata i nanon ana tai ni uea i nanon te boki are Rongorongoia Uean Iuta, n reitaki ma ninikoriana ao tokanikaina n taian buaka.

2.Uea 10:26

ao a kaotinakoa bannan B'aara. A kabuokia,

2.Uea 11:18

Ao i mwiin arei, ao a nako aomata n rin n te tembora are e karaoaki i bukin neboakin B'aara, ao a kab'aka. A urui taiani baonikarea ao taiani bouananti ao a tiringa Matan are ana ibonga B'aara, i matan te baonikarea. I mwiina ngke e a tia Ieoiata ni katikuia taan tei ni katobibia te Tembora,

2.Uea 12:3

Ma e aki kamaunai taiani baangota, ao a bon teimatoa naba ni kabonganaaki b'a taabo n angakarea.

2.Uea 14:4

E aki urui baangotan Iteraera Amatia, ao a boni kamanenaaki naba b'a taabo n angakarea.

2.Uea 15:35

Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Uea 15:4

Ma e aki roko n te urui taiani baangota. A bon tiku naba b'a taabo n angakarea.

2.Uea 16:15

Ao e taku nakon Uria are te ibonga: Ni moa man te tai aei, ao e nang kakaraoaki taian angakarea ake n te ingabong ma te tairiki, ao ai arona naba ma b'aintangira ake taiani uita ao taiani wain, i aon te baonikarea aei. E na karaoaki naba ikai taian angakarea i bukiia aomata ao te uea. Katimtim'a raraan taiani karea ni kabane i aon te baonikarea aei, ao katuka te baonikarea are te buraati nako iu b'a N na kamanenaa i bukin kakaaean nanon te UEA b'a tera ae e tangiria b'a N na karaoia.

2.Uea 18:22

E mwiokoa ngkai te UEA ae Atuami Etekia? E bon tuai kab'akai taiani baonikarea ni kabane, ao ni katuka are ana Baonikarea te UEA. E bon aki naba tuangiia aomatan Iteraera ma Iuta b'a a na taromauri n te tabo ane ti teuana anne.”

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 23:14

E urui bannaia antiia Ianena aika atiibu ao e korouaa te boua are e tabu i bukin taromaurian Nei Aatera. Ao e kaona te tabo arei n riia aomata.

2.Uea 23:4

Ao Iotia e tuangiia Irekia are te ibonga ma taiani kauoman ni ibonga, ao taan tei ni mataroan te Tembora b'a a na rin i nanon te Tembora ma ni kaotinakoi b'aai ake a kabonganaaki i bukin taromaurian B'aara, ma Nei Aatera, ao taiani itoi. E kabuoki b'aai aikai Iotia ni M'aruan Kiteron n are i tinanikun Ierutarem, ao e anai mannangiia ni uoti nakon te kaawa are Betaera.

2.Rongorongo 19:3

Ma ko aki buakaka ni b'aai ni kabane, b'a ko urui taiani boua aika a tabu ake a kabonganaaki i bukin taromaurian te anti are Nei Atera-are e kaotaki iai b'a ko a tia ni kataia n ongotaeka iroun te UEA.

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

2.Rongorongo 33:3

E katei baangotan te aba ake e a tia n urua tamana are Etekia. E karaoa te bouannanti i bukin te anti are Baara ao e katea te boua are e tabu i bukin taromaurian te anti te aine are Nei Atera ao e kakaonimaki n taromauri taian itoi i karawa.

Taian Areru 78:58

A rangi ni kauna te Atua i bukin ae a nako ni bangota ao a taromauri bouananti ake iai.

Te Otinako 23:24

Kam na aki taromauri antiia ke ni kakairi n aia katei. Ma, kam na kamaunai aia bouannanti ma ni kamaenikuni aia atiibu ake taian banna.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Itaia 36:7

E onimakina te UEA, ae Atuami ngkai Etekia? Tiaki e urui ni kabane ana baonikarea ao taabo ike e taromauriaki te UEA Etekia, ao ti teuana nikiraia. Tiaki b'a e tuangiia aomatan Ierutarem ao Iuta n te tabo ae ti teuana?

Nakoaia Ibonga 26:30

N na urui ami auti n taromauri nako, N na urui ni kab'akai ami bao n angakarea i bukin te boiarara, ao N na katokai rab'atami ngkae a mate i aon nako ami bouannanti. Ao kam na riribaaki i Rou.

Te Tua-Kaua 5:5

ma kam maaku n te ai, ao kam rawa n tam'arakea te maunga. Ma ngaia are, I a taetae ma te UEA i bukimi, ao i mwiina, I a manga tuangngkami baike E taekin nako iu ao I kaangai:

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.

Tani Motiki-taeka 6:25

Ao E a manga taetae naba te UEA nakon Kiteon n te tairiki arei: “Anaa ana kaom'aane tamam ane ana kauoua n tamaroa ae tuai ni koromangeaki ae ai tib'a 7 ana ririki ni maiu. Ko na kamanena te kaom'aane anne ni katika ni kab'aka iai te baonikarea are tataromauria iai B'aara tamam, ao koroi taiani baangota akana i rarikin te baonikarea.

Tani Motiki-taeka 6:28

Ao ngke a uti kaain te kaawa n te bong are i mwiina, ao a noora baonikarean B'aara b'a e a b'aka, ao a tia naba ni koreaki taiani baangota. Ao i mwiina, a ataia b'a ngaia e a tia n anga te aba te karea are te kaom'aane i aon te baonikarea are boou.