2.Uea 18:34 - Te B'aib'ara

³⁴ Tera ae e riki nakoia antin Amata ma Arebata? Ao tera aroia naba antin Tebarewaim, Ena ao Iwa? A konaa antin Taamaria ni kaawakina abaia mairouia ana taanga ni buaka Aturia?

2.Uea 18:34 ပူးပေါင်းရင်းမြစ်များ

2.Tamuera 8:9

A tia ni kairiribai te uea are Toi mai Amata ao te uea are Atatetera. Ma ngaia are, ngke e ongo Toi ae e a tia Tawita ni kataenikaia ana taanga ni buaka ae e b'anin Atatetera, e a kanakoa natina te m'aane are Ioram n angan Tawita te kaaitau.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 37:13

A tia naba ni mauna Amata, Arebata, Tebarewaim, Ena, ao Iwa.

Ieremia 49:23

E taku te UEA i bukin Tamateko: A a tia n ongo rongorongom ae e aki raoiroi ni kaawa aika Amata ao Arab'ata. A a tia ni bua aia kaantaninga, ao e a taoniia te nanououa kaanga ai aron naon marawa.

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Warekaia Iteraera 13:21

Ao a nako mm'aane ake tengaun ma uoman b'a a na tuoa aon Kanaan ni moa man Rereuan Tin are i maiaki ni karokoa te kaawa are Reoba are i rarikin Rebo-Amata are i meang.