2.Uea 18:27 - Te B'aib'ara

²⁷ Ao e kaeka teuare te mataniwi ni buaka mai Aturia, “E kanakomaiai au uea b'a N na taetae nakoia aomata ni kabane, ao tiaki ti nakoia taani kairiiri. Ae a nang kana nakotariia ma mimiia aomata aikai n te tai ae e aki maan. Ao ai uana naba ngkami akana teniman aikanne.”

2.Uea 18:27 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 18:26

Ao a taku Eriakim, ma Tebena, ao Ioa, “Teuae ko karineaki, ti aki tangiriia aomata aika a kakauongo man te kaawa ae buubura ae e nonoaki b'a a na ataa te b'ai ae e taekinaki. Ma ngaia are, ti butiiko b'a ko na taetae nakoira n te taetae n Aram'aika ao tiaki n te taetae n Ebera.

2.Uea 18:28

Ao ni bon te tai naba arei, ao e a takaarua naba te tia kaira te taanga n te taetae n Ebera ni kaangai; “Kam na ongora n ana taeka uean Aturia ae e kaangai;

2.Uea 6:25

Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

Taian Areru 73:8

A ngareakiniia aomata tem'angina ao a atoatong taeka aika aki raraoi; A kainikatonga ao a kario iango n ribuaka b'a b'ain ekakinakoaia tem'angina.

Itaia 36:12

Ao e kaeka te mataniwi ni buaka mai Aturia ni kaangai, “E kanakoai au uea b'a N na taetae nako ia aomata nako, ao tiaki ti nako imi taan kairiiri. B'a ae a na waekoa ni kang nakotariia ao n nim mimiia aomata aikai! Ao ai uana naba ngkami akana teniman!”

B'aeb'aeti 4:4

A mate ni baki ao n taka natiia b'a aki tabeakiniia; a bubuti natiia kanaia nakoia aomata ma akea temanna ae e anganiia kanaia.

B'aeb'aeti 4:5

A mate i nuukan te kaawa aomata ngkoa ake a am'am'arake raraoi. A kakae kanaia i nanon turam aomata ngkoa ake a maiu ni kaub'ai.

Etekiera 4:13

Ngke I kamaaea nakoia Iteraera i buakoia botannaomata, a na riai naba ni kana te am'arake ae e aki itiaki, n aron naba ae kam karaoia:

Etekiera 4:15

Ao e kaeka te UEA, “Ko na aki kam'aa am kariki n nakotarin te aomata ma ko nang kam'aia n nakotarin te kao.