2.Uea 18:14 - Te B'aib'ara

¹⁴ E kanakoa ana rongorongo Etekia nakon Tennakeriba, are e mena n te kaawa are Rakiti: I ataia b'a I boni bure ngke I kakaaitarako. Ma N na kabooi mwiin b'aai ni kabane n aron ane ko tangiria, ngkana ko katoka buakanakira. Ao Tennakeriba e tuanga Etekia b'a e na kab'aka nako ina 11 te tan te koora.

2.Uea 18:14 ပူးပေါင်းရင်းမြစ်များ

1.Uea 20:4

Ao e taku Aaba, “Te uea ae ko karineaki. Bon am b'ai au b'ai ni kabane n ikotaki naba ma ngai.”

2.Uea 10:5

Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

2.Uea 14:19

ma e a manga reke irouia aomata tekorakina ao a taua ao a tiringnga ikekei.

2.Uea 15:20

Ma ngaia are, e anga ana taeka Menaem nakoia aomata ni kabane i aon Iteraera aika a kaub'ai b'a a na anga kaka teuana te rawaawata ni waerake te kirokuraem te tirewa, ao e anga nakon Tikeraka Biretia ni kabane. Ao e katoka buakanakin Iteraera Tikeraka Biretia ao e kiitanna.

2.Uea 18:7

E buoka Etekia te UEA, ma ngaia are, a kororaoi bukin b'aai ni kabane ake e karaoi. E kakaitaraa naba uean Aturia, b'a a rawa n riki b'a ana toro.

2.Uea 19:8

Inanon te tai anne, ao e ongo mataniwiin ana taanga ni buaka Aturia ae e a tia ni kiitana te kaawa are Rakiti te uea ao e a buakana ngkai Ribena. Ma ngaia are, e a manga nako ikekei.

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

Ieremia 34:7

Inanon te tai anne, e kataia uean B'aburon n ninia nonon Rakiti, Ateka, ao Ierutarem, ake kaawan Iuta ake tenua aika a tuai n tauaki.

Ruka 14:32

Ao ngkana e na aki kona, ao e na kanakoia taan taetae i bukina b'a a na bubuti te raoi nakon teuarei ngkae e mena i kiraroa.