2.Uea 18:12 - Te B'aib'ara

¹² A riki b'aai aikai ni kabane i bukina ngke a aki ongotaeka Iteraera iroun te UEA ae Atuaia. A aki kubara te boraraoi ae e matoa are E a tia ni karaoia ma ngaiia, ao a aki tabe ma b'aai ni kabane ake e a tia n tuangiia ana toro te UEA are Moote.

2.Uea 18:12 ပူးပေါင်းရင်းမြစ်များ

1.Uea 9:6

Ma ngkana ko aki ongotaeka ke e aki ongotaeka kanoam temanna nakon Au tua, ke ni manga taromauri anti tabem'aang,

2.Uea 21:8

Ngkana a na ongotaeka ma te kakaonimaki au Aomata nakon kaetieti ni kabane ake n ana tua au toro are Moote, ao N na bon aki kanakoia man te aba are I anganiia aia bakatibu.

Neemia 9:17

Ma Ko bon nanoanga ngkoe Atuara ao Ko waekoa ni kab'arai buure; Ko tangira, Ko nanoanga, ao Ko nanorinano. Ma ngaia are, Ko aki konaa n tannako mairouia

Taian Areru 107:17

A karawaawataaki tem'angina i bukin nanobabaia: B'a a bure ao a bubuaka aroia.

Taian Areru 78:10

A aki kawakina aia boraraoi ma te Atua; A rawa n ongeaba nakon ana tua.

Taian Areru 81:12

Ma ngaia ae I kariaia b'a a na iri nanoia aika matoatoa, ni karaoi baike a tangiri.

Itaia 1:19

Ngkana kam kukurei n ongotaeka irou, ao a na reke n arokan abami taiani kabanea n tamaroa ni uaa.

Ieremia 3:8

ma e ngae n anne, ao I bon tangiria naba b'a e na okirai. Ma e aki, ngaia are I a kaakiia ma ni kanakoa. E noora te b'ai ae e riki tarina are te abanuea are Iuta, ma e bon aki tabe naba iai, ao I tarataraia ngke e a manga moana naba ana aki kakaonimaki kaanga tarina.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Mika 3:4

E na roko te tai are kam na tang iai nakon te UEA, ao E na aki kaekai ngkami, E na aki kan ongo ami tataro, i bukina b'a kam a tia ni karaoa ae e buakaka.

Warekaia Iteraera 12:7

Ma Moote bon Au tia m'akuri ae te tia kairiia Au aomata.

Te Tua-Kaua 11:28

Ma ngkana kam aki ongotaeka nakoina ma n taromauri taian atua aikai aika akea te b'ai ae a kona ni karaoia i bukimi, ao E na katekebuakaingkami te UEA.

Te Tua-Kaua 31:16

Ao E taku te UEA: Moote, Ko na mate n te tai ae e aki maan, ao a nangi rin Iteraera n te aba ike a taataromauriaki iai atua riki tabeman, ao ane a na rawa irou Iteraera ma ni moana taromauriaia atua aikai. Ane a na urua te boraraoi aomata n aron are I a tia ni karaoia ma ngaiia,

Te Tua-Kaua 31:17

ao ane N na rangi n un, ao N na kiitaniia ma n aki kan ongo aia tataro. N na karokoa te kabuanib'ai ma te maraki irouia, ao ane a na kuri ni bane ni mate. Ao ni bon tokina, ane a na uringaaba, ao a na ataia b'a e roko te kabuanib'ai i bukina ngke I kitaniia.

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

2.Timoteo 2:24

Ao e aki riai b'a e na kauntaeka ana toro te Uea; ma e na nimamannei nakoia aomata ni kabaneia, e na rabakau n reireiia aomata, e na taotaona nanona, ao

Iotua 1:1

I mwiin maten Moote are Ana toro te UEA, ao E taetae te UEA nakon ana kauoman Moote are Iotua are natin Nuun te m'aane, ao

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?