2.Uea 18:11 - Te B'aib'ara

¹¹ E kairiia Iteraera uean Aturia b'a taenikai, ao e kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin te Karaanga are Tabora n te aba are Kotan, ao ake tabeman naba b'a a na maeka ni kaawa ike a maeka iai kaain Miria.

2.Uea 18:11 ပူးပေါင်းရင်းမြစ်များ

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 19:11

Ko a bon tia n ongo rongorongora ngaira aika uean Aturia ni kamaunaiia botannaomata ake tabeua ni kabaneia. Tera ae kam taku b'a kam a boni mano iai?

2.Uea 21:8

Ngkana a na ongotaeka ma te kakaonimaki au Aomata nakon kaetieti ni kabane ake n ana tua au toro are Moote, ao N na bon aki kanakoia man te aba are I anganiia aia bakatibu.

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Itaia 10:11

Ao N na kamaunaa Ierutarem, n ikotaki ma antina nako ao ana bouannanti nako n aron are I a tia ni karaoia nakon Tamaria.

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Itaia 36:2

ao ti nikirana Ierutarem. E a taetae uean Aturia nakon ana mataniwi ni buaka b'a a na kiitana te kaawa are Rakiti ao ni kairiia ana taanga ni buaka are e buubura nako Ierutarem. E nako te mataniwi ni buaka nako ikekei ao e tei i nanon te kawai i rarikin te titoa ni karao kunnikai i rarikin te kanare man te ran are ieta.

Itaia 37:12

Uean Aturia are i m'aaiu e kamaunaa kaawan nako Kotan, Aran, Reteba, ao kaain Eten ni kabane ake a maeka i Terata. Tera ae e karaoia aia anti nakoia?

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Amota 2:6

E taku te UEA, “A teimatoa ni kakaraoa te bure Iteraera, ao N na bon katuaaia i bukin aei. A kabooia nako aomata aika aki kona ni kab'arai aia tarau, aomata aika a kainano aika aki koro boon aia kauniwae.

Amota 5:6

Okira te UEA ana bakatibu Ioteb'a, ao kam na maiu. Ngkana kam aki, ao te UEA e na roko ni buaka n ai aron te ai. Betaera e na bue nako aontano, ao bon akea ae kona ni kamaiua.

M'akuri 7:43

Ao kam tabeka um'ani Moroka n uouotia, ma ana itoi te anti are Reban, ake bouananti ake kam karaoi b'a kam na taromauriia; ao N na kanakoingkami nakon aaba ake i tinanikuni B'aburon.”