2.Uea 17:7 - Te B'aib'ara

⁷ A riki baikai ni kabane i bukina ngke a tia ni bure Iteraera nakon te UEA are Atuaia, are E kamaiuia mai Aikubita, ike a tautoronaki iai ngkoa. A taromauriia antiia ianena,

2.Uea 17:7 ပူးပေါင်းရင်းမြစ်များ

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

1.Uea 15:3

E aki rangi ni kakaonimaki Abiiam nakon te UEA ae Atuana n aron ae a tia ni karaoia ana bakatibu are Tawita, ma e bon aki toki ni bubure n aron tamana are Roboam.

2.Uea 16:2

Ai bon tib'a 20 ana ririki ni maiu n te tai anne, ao e tautaeka ma Ierutarem i nanon 16 te ririki. E bon aki katotoonga ana bakatibu are Tawita teuare Aati. E aki ongotaeka iroun te UEA,

2.Uea 17:35

N te tai arei ngke E a tia te UEA ni karaoa ana Boraraoi ae e matoa ma ana Aomata ake Iteraera, ao E taku nakoia: Kam na aki taromauriia anti tabem'aang. Kam na aki bobaraaki nakoia ke n angakarea nakoia.

1.Rongorongo 5:25

A aki kakaonimaki nakon te Atua are a tataromauria aia bakatibu kaain te baronga ake Reuben, Kata, ao Manate Mainiku, ao a manga moana taromauriaia antiia botannaomata ake E a tia ni kanako ia te Atua mai Kanaan.

2.Rongorongo 36:5

Ai uabwi ma nimaua ana ririki ni maiu Ieoiakim ngke e rineaki b'a te uea, ao e tautaeka i nanon tebwi ma teuana te ririki mai Ierutarem. E aki ongotaeka Ieoiakim iroun te UEA ae Atuana ngke e karaoi m'akuri aika a buakaka.

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Etekiera 39:24

A rangi ni buakaka ma ni buretoroia, ma ngaia are a riai ni katuaaeaki.

Otea 12:14

Iteraera, N na karaoiko b'a ko na kabomwi i bukin am bure aika a kakamaaku ao i bukin kamatauningaau.

Otea 4:12

Kam kaantaningai bouananti aika taiani kai ao b'aai riki ake tabeua aika a karaoaki n te kai b'a a na anganingkami aromi. Ni wene ni bure n taian bangota e boni kaoti aromi n aki kakaonimaki nako iu, Ngai ae Atuami.

Otea 4:13

Kam anga karea i aon taubukin maunga ma tabuki, i aan aroka aika taian oke, ao taabo nako ike a tamaroa nuuia. Oin natim aika aine ao aika ai natim aine a kaboonakoi rab'ataia i bukin te wene ni bure.

Te Tua-Kaua 31:29

I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Tani Motiki-taeka 6:10

Bon Atuami Ngai, ao I tuangingkami b'a kam na aki taromauriia atuaia kaain Amora, e ngae ngke kam a maeka n te aba are a maeka iai kaain Amora. Ma kam aki kan ongo irou.