2.Uea 17:6 - Te B'aib'ara

⁶ i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 17:6 ပူးပေါင်းရင်းမြစ်များ

Karikani B'aai 10:2

Natin Iabeta mm'aane bon Komera, Makoka, Matai, Iawan, Tubara, Meteka, ao Tirati. Boni ngaiia aia bakatibu aomata ake a ingoanaki araia iai.

1.Uea 8:46

A bure aomata ni kabane. Ma ngkana a karaoa te bure am Aomata nakoim, ao tao Ko a un irouia ao Ko a karokoia aia kairiribai b'a a na katikiia nako abaia I-Anena.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 18:34

Tera ae e riki nakoia antin Amata ma Arebata? Ao tera aroia naba antin Tebarewaim, Ena ao Iwa? A konaa antin Taamaria ni kaawakina abaia mairouia ana taanga ni buaka Aturia?

2.Uea 19:12

Uean Aturia ake mai m'aaiu, a kamaunai kaawan Kotan, Aran, Reteba, ma kaain Eten ni kabane ake a maeka i Terata. Tera ae a karaoia antiia nakoia?

2.Uea 21:13

E a rangi buakaka Ierutarem n aron Aaba ma kaain Taamaria. Ma ngaia are, N na kamaunaa Ierutarem ma ni katiaa taekana, n ai aron temanna ae e taea nako te ran mai nanon te raurau b'a e na m'au.

1.Rongorongo 5:22

A m'aiti kaain Akera ake a mate i nanon tain te buaka, i bukina ngke E buaka te Atua ni kaaitaraia. A maeka kaain te baronga are Reuben, Kata, ao Manate i Mainiku n te aba arei ni karokoa te tai are a manga uotakinako iai b'a taenikai nako Aturia.

1.Rongorongo 5:26

Ma ngaia are, E kanakoa uean Aturia are Tikeraka Birenetera te Atua b'a e na buakaniia barongan Iteraera aikai. E kairiia nako te uea b'a taenikai nako Aturia, ao man n te tai anne are e a kairoroia iai b'a a na maeka i Aba, Abora, Ara, ao i rarikin te Karaanga are Kotan.

Etira 6:2

Ao n tokina e a kuneaki te niira ni boki i Akemeta, ni kaawan te tautaeka are ni m'akorona are Miria ao e kaangai: E na kaotaki n te rongorongo ae e taabangaki aei,

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 13:17

A na aki konaa ni kabooaki kaain Miria n te tirewa ma ke koora, ao I kanakoia b'a na buakana B'aburon.

Itaia 17:4

Ngkana e roko te tai arei, e na karuoaki rikaaki te botannaomata ae e mimitong ae Iteraera mai eta; ao a na rinikangenge kaaina ake a mari ngkoa.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 36:17

n te tai ae e uarereke. Ao i mwiina, e na manga bon roko n anaingkami nakon te aba ae ai aron abami, ike kam uniki iai ami kureebe ma n uniki oin ami uita.

Itaia 36:19

Tera ae riki ngkai nakon antin Tebarewaim? A konaa ni kamaiua abaia kaain Tamaria mairouia tautian Aturia?

Itaia 37:18

E boni koaua Atuara, ae a tia uean Aturia n onikia botannaomata nakon taian rereua.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Ieremia 50:17

Iteraera bon te nanai n tiibu ae e maae nako irouia raian aika a bora ni baki. Uean Aturia boni ngaia te moan kab'autiia Iteraera. Ao i mwiina, Nebukaneta, uean B'aburon, are e kangkanta riin Iteraera.

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 1:9

Ao E a manga taku te UEA, “Aranna b'a Roo-Ammi, b'a bon tiaki Au aomata aikai, ao tiaki Atuaia Ngai.”

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Otea 8:8

Iteraera, ko a uruaki, ao ko a atongaki ngkai irouia botannaomata b'a akea bonganam.

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Nakoaia Ibonga 26:38

A na bati i buakomi aika na mate n aaba aika a iruwa iai,

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Tua-Kaua 30:18

Ngkana kam ongotaeka nakoina, ao kam na maiu ma ni riki n tetekeraoi ao ni korakora. Ma, ngkana kam n rinea te aki ongotaeka ao te raarawa nakon te UEA, ma ni bobaraaki n taromauriia atua tabeman, ao I kauringkami, b'a a na aki ananau maiumi.