2.Uea 17:35 - Te B'aib'ara

³⁵ N te tai arei ngke E a tia te UEA ni karaoa ana Boraraoi ae e matoa ma ana Aomata ake Iteraera, ao E taku nakoia: Kam na aki taromauriia anti tabem'aang. Kam na aki bobaraaki nakoia ke n angakarea nakoia.

2.Uea 17:35 ပူးပေါင်းရင်းမြစ်များ

2.Uea 17:15

A katinanikua ana taeka ni kauring te UEA ma ana babaaire, ao a kaaki taekan te boraraoi are e a tia ni karaoia ma aia bakatibu. A taromauri bouananti ake akea maneia, ao a boni kakeai manenaia. E a tia n tuangiia b'a a na aki katotoongia botannaomata ianena ake i rarikiia ni b'aai aika a karaoi, ma a aki ongo Iteraera b'a a boni katotoongia naba.

Te Otinako 20:3

Tai manga taromauria te atua riki temanna b'a ti Ngai.

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Ieremia 25:6

I aki tangiria ni kaikoakingkami. Ma ngaia are, kam na aki kaunai n taromauriia bouannanti ao anti tabem'aang.

Te Tua-Kaua 5:2

E karaoa ana Boraraoi te UEA ma ara botannaomata n te Maunga are Tinai.

Te Tua-Kaua 5:9

Kam na aki bobaraaki n taromauriia taiani bouananti. Bon te Atua ngai ae Atuami, ao I tangiria b'a kam na kabanea nanomi nako Iu. Ngkana kam aki kubarai ma n taromauriia taiani bouananti, ao N na katuaaia kanoami ni karokoa te katenroro ma te kaaroro.

Te Tua-Kaua 6:14

Tai karaoi b'aai aika rekereke ma atua ake a taromauriaki irouia botannaomata akana i rarikimi.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.

Tani Motiki-taeka 6:10

Bon Atuami Ngai, ao I tuangingkami b'a kam na aki taromauriia atuaia kaain Amora, e ngae ngke kam a maeka n te aba are a maeka iai kaain Amora. Ma kam aki kan ongo irou.