2.Uea 17:25 - Te B'aib'ara

²⁵ N te moan tai ao a aki taromauriia te UEA aomata aikai, ma ngaia are, E kanakoia raian te UEA b'a a na tenaia, ao a mate tabeman irouia raian.

2.Uea 17:25 ပူးပေါင်းရင်းမြစ်များ

1.Uea 13:24

ao e a m'ananga nako te burabeti are mai Iuta. Ao ngke e tabe ni m'ananga ao e a kaitibo ma te raian ao e a tiringaki iroun te raian, ao a tei i rarikin rab'atana te raian ma te aati ngke e a mate.

1.Uea 20:36

ao e taku te burabeti nakoina, “Ko aki ongotaeka nakon te UEA. Ma ngaia ae, e na kaniko te raian ngkana ko m'ananga nako.” Ao e m'ananga nako raoraona arei, ao e karina n roko te raian n tiringnga.

2.Uea 17:26

E taku te tia uarongorongo nakon uean Aturia, A aki ataa aron taromaurian Atuan te aba arei aomata ake ko kam'aeia nako Iteraera. Ma ngaia are, E kanakoi taian raian b'a a na tenaaki irouia, ao a tiringaki tabeman mai buakoia.

2.Uea 17:28

Ao e rineaki temanna ibongan Iteraera b'a e na oki nako Iteraera.

2.Uea 17:32

A taromauri oin antiia n aron are a karaoia naba ngkoa i m'aain uotakiia nako Iteraera. A taromauriia naba te UEA, ma a bon rinei oin aia aomata n taiani baangota.

2.Uea 17:34

A bane aomata ni irii aia katei nikawai. Bon akea temanna ae e taromauria te UEA n ti Ngaia, ao rawa ni iri nanon taian tua ao babaaire ake E a tia n anga nakoia ana kariki Iakob'a, are E aranna b'a Iteraera.

2.Uea 17:41

A taromauria te UEA, ma a bon taromauri naba oin aia bouananti. Bon ti te bo naba ma are a karaoia aia kariki.

2.Uea 2:24

Ao e rairaki Eritai ao e kareke taraaia ataei ni maanee akekei. Ao i mwiina, e a kamaraiaia n aran te UEA. Ao ni bon te tai naba arei, ao a biri n otinako uoman taiani bea man te buakoako ao a raebitiia angaun ma uoman mai buakoia ataei ni maanee akekei.

Itaia 15:9

A raraa karaanga n ran ake i rarikin Rimon. Ma e na karokoa te kaangaanga te UEA ae moan te korakora riki nako Rimon, i bukina b'a a na bane n tiringaki irouia raian kaain Moaaba ake a biri nako.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 15:3

N na katuaaingkami ni kawai aika aua aika a kakaokoro. Ane kam na mate n te buaka ao a na katitikaki nako rab'atami irouia kamea, a na kanaki irikomi irouia mannikiba, ao a na kam'akeruaki riimi irouia maan aika a aki manana.

Ieremia 5:6

A a tia aomata ni kakaitaraa ma ni katinanikua te UEA n taai aika a m'aiti. Tabeman kairiribai a buaka kaanga taian raian man te buakonikai ke taian kameaanti man te rereua. A na mamataukiroa kaawan nako Iuta ao a na raebitii konaiia aika a otinako kaanga taian reeb'ari.

Etekiera 14:15

Ke ngkana tao arona b'a I katuaaea te botannaomata ni kanakoia maan aika aki manana b'a a na kaniia aomata ma ni kakamaakuia taan rikekei b'a e aonga n akea kaain te aba.

Etekiera 14:21

Boni Ngai ae te UEA ae te Atua, ae I berita b'a e na kakorakoraaki katuaaean Ierutarem. N na kanakoa te buaka, te baki, maan aika aki manana, ao te aoraki ae e kamaamate b'a e na tiringiia kaaina ma aia nanai ni man.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Nakoaia Ibonga 26:22

N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Iona 1:9

Ao e kaeka Iona, “te Ebera ngai, ao I taromauria te UEA ae Atuan karawa, ae E karaoa aonnaba ma marawa.”

Iotua 22:25

E a tia ni karaoa te Ioretan b'a tiara ma ngkami. Tiaki Atuami te UEA! Ao ane a na tuukia ara kariki ami kariki rimwi man taromaurian te UEA.