2.Uea 17:23 - Te B'aib'ara

²³ ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

2.Uea 17:23 ပူးပေါင်းရင်းမြစ်များ

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Uea 17:13

Ma ngaia are, E tuangiia burabeti te UEA b'a a na bon riai ni kauringiia Iteraera ao Iuta n taeka aikai, Boni Ngai ae te UEA, ao I tuangkami b'a kam na katoka karaoan taiani bure, ma ni manga moana te ongotaeka nakon Au tua ma au reirei. I anganiia ngkoa ami bakatibu, ao I a manga tuangiia Au taani m'akuri ake burabeti b'a a na manga kaoki n taekini nakoimi.

2.Uea 17:18

E a rangi ni maraki nanon te UEA irouia Iteraera, ma ngaia are, E a kariaia b'a a na uotaki nako b'a taenikai. Bon ti aomata ake a maeka i Iuta aika a tiku,

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 17:22

A teimatoa aomata ni kakaraoa te bure n aron Ieroboam,

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

2.Uea 21:14

Ao N na bon kamaunaiia naba au Aomata ake nikira ni maiu. A na konaaki ma ni iraeaki irouia aia kairiribai.

2.Uea 23:27

Ao E taku te UEA, N na kamaunanakoia kaain Iuta, n aron kamaunanakoaia Iteraera naba irou. N na aki manga kubara Ierutarem, e aoria ngke I a tia n rineia b'a au B'ai. N na kitana te Tembora aei ae e karaoaki i buku.

2.Uea 24:3

ao ngkai E a kakoroa bukina. E nang kamaunaaki te aba ae Iuta, i bukina ngke e a tia ni bure Manate,

2.Uea 25:21

i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

2.Uea 3:3

Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Taian Areru 51:13

N na reireiniia taani bure am Tua, Ao a na rairaki nakoim.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Ieremia 52:3

ao bon Tetekia are e a manga kakaitaraa Nebukaneta n te kabanea n tai. A a tia kaain Iuta ao Ierutarem n rangi ni kauna te UEA n te aro are n tokina e a tannako mairouia. Ao bon anne bukina are e riki iai b'aai aika a rangi ni kakamaaku.

Ieremia 7:15

Ao i bukimi ngkami aika kaain Iuta, N nang kanakoingkami man abau, N aron kanakoaia kaain Eberaim ao kaain baronga ake i meaang.

Otea 12:3

I m'ain bungiakin Iakob'a, E a kaman kam'anea tarina, ao ngke e tabe n rikirake, e manga un ma te Atua.

Amota 5:27

ngke I kairingkami b'a taenikai nakon te aba ri aon Tamateko, bon ana taeka te UEA ae m'aaka.

Mika 1:5

A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?

Mika 1:6

Ma ngaia are, e taku Te UEA, “N na karika Tamaria b'a te tabo ae e uruaki ae akea kaaina, ao e na riki b'a te tabo ae a unikaki iai aroka aika kureebe. N na karenakoi m'akorokoron atiibuna nako nanon te m'arua. Ao N na uruaki naba aana.

Mika 2:5

Ma ngaia are, ngkana a nang kaokaki aaba nakoia ana aomata te UEA, ao a na bon akea tib'ami mai iai.

Te Tua-Kaua 32:20

ao E taku, Kam aki kakaonimaki, ao bon akea onimakinakimi. Ma ngaia are, N na aki kaekaa ami tataro; N nangi bon ti mamataku naba ma n taratarai b'aai aika na riki nakoimi.

Iotua 23:13

ao E na bon aki manga kakioia nako botannaomata aikai mai m'aimi te UEA ae te Atua ngkana kam buakaniia. Ma ana riki b'a b'aai aika a na kakamaaku nakoimi n ai aron te kaini kab'aru ma te abea. Ao a na riki naba b'a b'aai aika a kammaraki n aron te kainikataere i nuukami ao te kateketeke i nanon matami, ao e na teimatoa n riki aei nakoimi ni karokoa banemi man te aba aei, ae E a tia n anganingkami te UEA ae Atuami.

Tani Motiki-taeka 18:30

E ngae ngke Titon te tabo n taromauri, ma a katei ana bouananti Mika ake karaoi kaain Taan. Ao a taromauria te bouananti, ao aia ibonga boni kanoan Rewi, are arana Ionatan, ao bon kanoan Kerition ngaia are natin Moote te m'aane. A m'akuri kanoana b'a ibongan te baronga are Taan, ni karokoa te tai are a uotaki nako iai Iteraera b'a taian taenikai.