2.Uea 17:21 - Te B'aib'ara

²¹ I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

2.Uea 17:21 ပူးပေါင်းရင်းမြစ်များ

Karikani B'aai 20:9

Ao e wetea Aberaam Abimereka, ao e titirakinna ni kaangai, “Tera ngkai ae ko a tia ni karaoia nako ira? Tera au kaairua ae I a tia ni karaoia nako im, ngkai ko karokoa iai te kangaanga aei nako iu ma au tautaeka? Bon akea ae e a tia ni karaoa anne nako iu.

1.Uea 11:11

ao E taku nakon Toromon, Ko boni karaoa ae ko tangiria, ao ko aki karaoa are I tuangko. Ma ngaia ae ngkai N nang anaa abanueam mai iroum, ao N na angan temanna mai buakoia am aobitia.

1.Uea 11:31

Ao e taku nakon Ieroboam, “Anai tebwina te m'akorokoro man te kunnikai aei, ao kakauongo nakon te b'ai ae E na taekinna te UEA ae Atuan Iteraera nakoim. Ieroboam bon te UEA ae Atuam Ngai, ao N nang anaa abanuean Toromon mai i rouna, ao N nang anganiko mai iai tebwiina te baronga b'a ko na tautaekani.”

1.Uea 13:34

Ao bon aei te bure ae e rangi n rawawata are e a karika b'akan abanueana.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 14:8

I bon anaa naba abanuean Tawita mai irouia ana utu ao I anganiko. Ma ko bon aki katotonga Au tia m'akuri are Tawita. E rangi n ongotaeka n taai nako irou, ao e kakaraoa ae e eti.

2.Uea 17:22

A teimatoa aomata ni kakaraoa te bure n aron Ieroboam,

2.Uea 3:3

Ma e bon teimatoa naba ni karaoi m'akuri aika a bure are e a tia Ieroboam are natin Neb'ata te m'aane ni kareketaatiia Iteraera iai.

2.Rongorongo 11:11

ao e a anganiia mataniwin nako taian taanga ni buaka tib'angaia n tatabemaniia nako taiani kaawa akekei n tatabeua nako ao e kaoni n taian am'arake, b'aan te oriwa, ao te wain,

2.Rongorongo 11:15

E a manga bon karekeia ana ibonga Ieroboam b'a taani m'akuri n taiani baangota ake baangotan te aba i Iteraera ao n taabo n taromauri ake e a tia ni kateaki iai bouanantin te kooti are te anti ao taian kao ataei.

Taian Areru 25:11

Kawakina am berita, Te UEA, Ko na kab'ara au bure B'a a bati au bure.

Te Otinako 32:21

E titirakina Aaron Moote ni kaangai, “Tera ae ko maakuia iai aomata aikai n te aro are ko a ira nanoia ni karaoa te bure ae moan te buakaka aei?”

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Ioane 19:11

E kaeka Iesu ao E taku, “Bon akea te b'ai ae ko kona ni karaoia nako iu, ngke arona b'a ko aki anganaki te kona ni karaoia mai karawa; ma ngaia are e a rawawata riki ana bure te aomata are anga Ngai nako im nakon am bure.”

1.Tamuera 2:17

A aki tabe natin Eri ake m'aane ma aia karea aomata ake a anga. Ao bon te bure ae rangi ni buakaka te baei, ao e bon kauna te UEA.

1.Tamuera 2:24

Bon akea te b'ai ae I ongongo ma ti taekan ngureakinakimi irouia ana aomata te UEA.